Ակցիան  կանցկացվի Արդշինինվեստբանկի բոլոր մասնաճյուղերում 2010թ. սեպտեմբերի 1-ից  դեկտեմբերի 31-ը: Ակցիային կարող են մասնակցել 18 տարին լրացած բոլոր այն անձինք, ովքեր ՀՀ-ում ուղարկում կամ ստանում են գումար MONEYGRAM դրամական փոխանցումների համակարգի միջոցով` ստանալով շահող քարտեր: Շահող քարտը կարող է պարունակել ակնթարթային մրցանակ (մանրամասն պայմաններ):  
    Յուրաքանչյուր ոք, ով ստանում է շահող քարտ, կարող է մասնակցել ամսական խաղարկությանը` լրացնելով քարտը  ինչպես պահանջվում է և ներկայացնելով այն   մասնաճյուղ, որտեղից նա ստացել է շահող քարտը: Ամսական խաղարկությունը տեղի կունենա հետևյալ օրերին` 2010թ. հոկտեմբերի 11-ին, 2010թ. նոյեմբերի 10-ին, 2010թ. դեկտեմբերի 10-ին և 2011թ. հունվարի 10-ին:
               Միջոցառման մասին հավելյալ տեղեկություններ ստանալու համար խնդրում ենք զանգահարել ակցիայի կազմակերպչի  Թեժ Գիծ` (010) 21-03-01 կամ Արդշինինվեստբանկի հետևյալ հեռախոսահամարով`(010) 59-05-66:

Նյույորքյան Citibank-ը Արդշինինվեստբանկին շնորհել է մրցանակ` ԱՄՆ դոլարով կատարված փոխանցումների բարձր որակ ապահովելու համար:
             Արդշինինվեստբանկի կողմից Citibank կատարված փոխանցումների ավելի քան 99 տոկոսը համապատասխանել են վճարման հանձնարարականի ստանդարտներին, ինչի շնորհիվ Citibank-ում դրանք մշակվել են ավտոմատ կերպով` առանց մարդկային միջամտության:  Այս մրցանակը մեկ անգամ ևս վկայում է Արդշինինվեստբանկի անձնակազմի աշխատանքային բարձր պատասխանատվության, մասնագիտական հմտության և արհեստավարժության մասին:
Արդշինինվեստբանկի Վարչության նախագահ Ներսես Կարամանուկյանի խոսքերով. §Նման մրցանակները մեզ պարտավորեցնում են լինել առավել ուշադիր և պատասխանատու, թե’ մեր Հաճախորդների, և թե’ արտերկրի գործընկեր Բանկերի նկատմամբ: Ի դեպ, սա արդեն երկրորդ նմանատիպ մրցանակն է: Արդշինինվեստբանկը 2006թ. նույնպես արժանացել է Citibank-ի հատուկ մրցանակին` Citibank ուղղված դոլարային վճարումների համար: Հավաստիացնում եմ, որ Արդշինինվեստբանկը շարունակելու է մնալ վստահելի և հուսալի ·ործընկեր իր բոլոր հաճախորդների համար¦:

Օգոստոսի 21-ին տեղի ունեցավ վերանորոգված և բարեկարգված §Արմավիր¦ մասնաճյուղի նոր հասցեում վերաբացման հանդիսավոր արարողությունը`  Բանկի մասնաճյուղային ցանցի բարելավման և կատարելագործման ծրագրի շրջանակներում: 
                Մասնաճյուղը հագեցված է ժամանակակից որակյալ տեխնիկայով և պատրաստ է շարունակել իր հաճախորդներին մատուցել արագ և հուսալի բանկային ծառայություններ:
              Բանկի Վարչության նախագահ Ներսես Կարամանուկյանը նշում է. §Արդշինինվեստբանկի¦ բոլոր մասնաճյուղերում` թե' մայրաքաղաքում և թե' մարզերում, միանման պայմաններ են ստեղծված մեր հաճախորդների համար: §Արմավիր¦ մասնաճյուղի բոլոր աշխատակիցներն ունեն համապատասախան մասնագիտական կրթություն և պատրաստ են օգնել Բանկի հաճախորդներին օգտվել մեր հուսալի և որակյալ ծառայություններից: Բանկն իր ներկայությամբ հանրապետության բոլոր տարածաշրջաններում ձգտում է ակտիվորեն մասնակցել Հայաստանի մարզերի տնտեսական և ֆինանսական կայուն զարգացմանը¦:

  2009թ. Արդշինինվեստբանկի "Լավագույն կառավարիչ" ճանաչված "Էջմիածին" մասնաճյուղի կառավարիչ Սասուն Սեդրակյանին Վարչության նիստի ընթացքում, հանդիսավոր պայմաններում, հանձնվեց մրցանակային գավաթ, պատվոգիր և դրամական պարգև: Հատկանշական է, որ 2009թ. ճգնաժամային տարում  "Էջմիածին" մասնաճյուղն ապահովել է ավելի քան 90 մլն ՀՀ դրամի շահույթ:

  Խրախուսական նման միջոցառումը ապացուցում է, որ Բանկում կիրառվում է անհատական մոտեցում յուրաքանչյուր աշխատակցի կատարված աշխատանքի նկատմամբ: Գավաթը լինելու է փոխանցիկ և յուրաքանչյու տարի այն տրվելու է լավագույն ցուցանիշներ ունեցող մասնաճյուղի կառավարչին:

Global Trade Finance Program ծրագրի շրջանակներում IFC-ն (Միջազգային ֆինանսական կորպարացիա) 2010թ. հունիսի 9-ին, Արդշինինվեստբանկում կանցկացնի մեկօրյա հատուկ սեմինար` բանկի աշխատակիցների և փոքր և միջին բիզնեսը ներկայացնող հաճախորդների համար:
           Սեմինարն ուղղված է լինելու միջազգային բիզնեսի վարման ընթացքում առևտրի ֆինանսավորման գործիքների նկատմամբ հաճախորդների կարիքների բացահայտմանը, ինչպես նաև միջազգային բիզնեսի վարման ընթացքում հնարավոր ռիսկերին և դրանց նվազեցմանն ուղղված գործընթացներին: 
            Բանկի աշխատակիցներին կներկայացվի IFC-ի "Առևտրի ֆինանսավորման գլոբալ ծրագիրը": Սեմինարի, նրանց համար նախատեսված հատվածում, կներկայացվի խաչաձև վաճառքի միջոցով շուկայում բանկի մասնաբաժնի ընդլայնման, հաճախորդների հետ կայուն փոխհարաբերությունների հաստատման և թղթակից բանկերի հետ փոխհարաբերությունների կարևորության բարձրացման ուղղությունները:
           Սեմինարի երկրորդ հատվածում, Արդշինինվեստբանկի առկա և պոտենցիալ հաճախորդներին կներկայացվեն միջազգային բիզնեսի վարման հետ կապված հնարավոր ռիսկերը և դրանց նվազեցման ուղիները, ինչպես նաև տեղեկատվություն կտրամադրվի առևտրի ֆինանսավորման տարբեր գործիքների և դրանց խառը կիրառման առավելությունների վերաբերյալ: Մասնակիցները կծանոթանան նաև առևտրի ֆինանսավորման գործիքների գնագոյացման բաղադրիչներին:
        Արդշինինվեստբանկի Վարչության նախագահ Ներսես Կարամանուկյանի խոսքերով. "Արտերկրի փորձառու ֆինանսական կազմակերպություններից ստացված խորհրդատվությունը և նրանց փորձի կիրառումը մեր բանկում, կօգնի թե մեր աշխատակիցներին և թե բանկի բոլոր հաճախորդներին, լավագույնս օգտվել միջազգային առևտրի ժամանակակից գործիքներից, զերծ մնալ ավելորդ ռիսկերից և դառնալ հուսալի բիզնես-պարտնյորներ արտերկրի մեր գործընկերների համար": 

Արդշինինվեստբանկը Հայ օգնության ֆոնդի Երեխաների աջակցության կենտրոնի 2010թ. հունիսի 2-ին կազմակերպած "Լավագույնը երեխաներին" տոնական միջոցառմանը մասնակցել է հիմնադրամին նվիրաբերելով գունագեղ մանկական նվերներ:
              Միջոցառման շրջանակներում տեղի ունեցած տոնավաճառ-ակցիայի ընթացքում Արդշինինվեստբանկի լոգոյով մանկական գնդակները և մարզական գլխարկները վաճառվել են հայկական շոու բիզնեսի հայտնի ներկայացուցիչների` երգչուհի Նադեժդա Սարգսյանի, կոմպոզիտոր Մարտին Վարդազարյանի, երգահան Արա Գևորգյանի և այլոց կողմից, իսկ հավաքված գումարը տրամադրվել է Կենտրոնին` երեխաներին աջակցելու նպատակներով բարեգործական միջոցառումներ իրականացնելու համար:
              Արդշինինվեստբանկը հանդիսանում է Երեխաների աջակցության կենտրոնի բարեկամների խմբի անդամ և պարբերաբար մասնակցում է հիմնադրամի կողմից կազմակերպվող բարեգործական միջոցառումներին` նվիրատվությունների միջոցով իր աջակցությունը բերելով դժվարին կացության մեջ հայտնված բազմաթիվ երեխաների:

Արդշինինվեստբանկը, վերանայելով ներգրավվող ավանդների պայմանները, երկարաձգել է ստանդարտ ավանդատեսակների առավելագույն ժամկետները 365 օրից մինչև 550 օրվա: Ընդառաջ գնալով հաճախորդների առաջարկներին, վերականգնվել է նաև նախկինում գործող "Դրամային" ավանդը, որն հնարավորություն է տալիս  ներդնել Ձեր դրամային միջոցները 365 օրով, 11% տարեկան սկզբնական տոկոսադրույքով, որը յուրաքանչյուր 90-րդ օրը կավելանա 1%-ով: Ավանդը կամ դրա մի մասը 180 օր հետո ետ պահանջելու դեպքում վճարվում է սկզբնական տոկոսադրույքով հաշվեգրված տոկոսները:

        Արդշինինվեստբանկում մշտապես  իրականացվող ներքին վերահսկողական միջոցառումները հնարավորություն են տալիս սեփական ուժերով բացահայտել աշխատանքային զանցանքները:
       Պարբերաբար իրականացվող նմանատիպ միջոցառումներից մեկի արդյունքում հայտնաբերվել է Արդշինինվեստբանկի "Վարդենիս" մասնաճյուղի կառավարիչ Ա. Բաղդասարյանի կողմից կատարված աշխատանքային զանցանքները: Այդ կապակցությամբ ձեռնարկված ծառայողական քննության արդյունքում պարզված հանգամանքների վերաբերյալ, բանկի կողմից համապատասխան հաղորդում է ներկայացվել ՀՀ գլխավոր դատախազությանը, որի համաձայն քրեական գործ է հարուցվել Ա. Բաղդասարյանի նկատմամբ:
Արդշինինվեստբանկի Վարչության նախագահ Ներսես Կարամանուկյանի խոսքերով. "Բանկում ներդրված և մշտապես գործող խիստ ներքին վերահսկողական համակարգը նպատակ ունի ոչ միայն բարձրացնել աշխատակիցների աշխատանքային կարգապահությունը և պատասխանատվությունը, այլ նաև պահպանել և բարձրացնել հաճախորդների վստահությունը բանկի նկատմամբ":

Արդշինինվեստբանկի և "The OPEC Fund for International Development (OFID)" զարգացման ֆինանսական գործակալության միջև ստորագրվեց 10 մլն ԱՄՆ դոլարի վարկային պայմանագիր:
        Վարկը տրամադրվում է 7 տարի ժամկետով` փոքր և միջին բիզնեսի ձեռնարկությունների ֆինանսավորման ծրագրի իրականացման համար:

Պայմանագրի ստորագրման պաշտոնական արարողությունը տեղի ունացավ OFID-ի գլխավոր գրասենյակում` Վիեննայում: Պայմանագիրը OFID-ի կողմից ստորագրեց գլխավոր տնօրեն Սուլեյման Յասիր Ալ-Հերբիշը, Արդշինինվեստբանկի կողմից` բանկի Վարչության նախագահ Ներսես Կարամանուկյանը:
    Մեկնաբանելով պայմանագրի ստորագրման կարևորությունը Ն. Կարամանուկյանն ասաց. "Սա երկարաժամկետ վարկային գիծ է, որը հնարավորություն կտա նպաստել Հայաստանի փոքր և միջին բիզնեսի ձեռնարկությունների զարգացմանը և կօգնեն նրանց հաղթահարելու տնտեսական դժվար իրավիճակի հետևանքները: Բանկը շարունակաբար զարգացնելու է համագործակցության շրջանակները միջազգային ֆինանսական կառույցների հետ` Հայաստանի շուկա դրսից ֆինանսական միջոցներ ներգրավելու և ՀՀ տնտեսության կայունությանն աջակցելու նպատակով":
     OFID-ի գլխավոր տնօրեն Սուլեյման Յասիր Ալ-Հերբիշի խոսքերով. "OFID-ի համար սկզբունքային առաջնահերթություն է համարվում փոքր և միջին ձեռնարկություններին օժանդակության ցուցաբերումը: Մենք տեղեկացված ենք, որ Արդշինինվեստբանկը ակտիվ գործունեություն է ծավալում այս հատվածում, և այդպիսով լավ գործընկեր է հանդիսանում OFID-ի ֆինանսավորման ծրագրերի համար: Մենք համոզված ենք, որ այս վարկային գիծը կօգնի Արդշինինվեստբանկին ընդլայնել ՓՄՁ-ների ոլորտում մատուցվող ծառայությունների ծավալը և նպաստել երկրի ընդհանուր տնտեսական զարգացմանը":

Հարգելի’ Հաճախորդ, 
       Արդշինինվեստբանկը IntelExpress դրամական փոխանցումների համակարգի հետ համատեղ անցկացնում է ակցիա:
Արդշինինվեստբանկի ցանկացած մասնաճյուղից ստանալով կամ ուղարկելով գումար Intel Express դրամական փոխանցումների համակարգով` կստանաք նվեր` միջազգային հեռախոսակապի քարտ:
         Ակցիան գործում է 2010 թվականի մարտի 15-ից մինչև 2010 թվականի մայիսի 15-ը: