-Տարբեր վարկանիշային աղյուսակներում Արդշինինվեստբանկը պատվավոր հորիզոնականներում է: Հատկապես, ո՞ր հարցերն են ձեզանից առաջնահերթային ուշադրություն պահանջում:
-Մենք միշտ առաջիններից մեկն ենք եղել բանկային համակարգում երկար տարիներ և շարունակում ենք պահպանել առաջատարի մեր դիրքերը տարբեր ցուցանիշների գծով: Օրինակ, ունենք BA2 վարկանիշ միջազգային հեղինակավոր Moody's վարկանիշավորող գործակալության կողմից: Հայկական ինֆորմացիոն գործակալությունները նույնպես տարբեր վարկանիշային աղյուսակներ են թվարկում, այսպես. անցած տարի "Արմինֆո" լրատվական գործակալության կողմից սահմանված երկու վարկանիշներով Արդշինինվեստբանկն առաջին տեղն է գրավել, առաջինը` Արտարժույթի շուկայում Գանձապետական ծառայությունների մասով, և երկրորդը` Խոշոր բիզնեսի ֆինանսավորման համար: Երկուսի դեպքում էլ վարկանիշի կարևորությունն այն է, որ մեզ գնահատել են մեր մրցակից բանկերը և մենք ութ նոմինացիաներից երկուսում զբաղեցրել ենք առաջին տեղը: Դա, իհարկե, մեզ ոգևորում է և ցույց է տալիս, որ մենք շուկայում, իսկապես, ունենք կայուն և լավ դիրքեր, ինչպես մեր մրցակիցներն են մեզ գնահատում:
Ի դեպ, 2009թ. Money Gram դրամական փոխանցումների համակարգը Արդշինինվեսբանկին ճանաչել է լավագույնը ՀՀ բանկային համակարգում:
Կապված անցած տարվա ֆինանսատնտեսական ճգնաժամի հետ, բանկերում որոշ լարվածություն է ստեղծվել` տարբեր ցուցանիշների առումով: Օրինակ, անցած տարվա ընթացքում տեղի ունեցավ այսպես կոչված "վատորակ" վարկերի քանակական աճ: Այդ երևույթը նկատվեց բոլոր բանկերի մոտ, բայց բարեբախտաբար, թե մեր բանկը, և թե բանկային համակարգն ամբողջությամբ, կարողացան այդ դժվարին իրավիճակից պատվով դուրս գալ: Դրանում նաև մեծ դեր խաղաց Կենտրոնական բանկի վարած ճիշտ դրամավարկային քաղաքականությունը:
-Ինչպիսի± ցուցանիշներ ունի բանկն առաջին եռամսյակի կտրվածքով:
-Մեր բանկը շարունակել է առաջին եռամսյակի ընթացքում գրավել վերին հորիզոնականներ` կապիտալի մեծությամբ, մենք երկրորդն ենք, զուտ շահույթով և ֆիզիկական անձանցից ներգրավված ժամկետային ավանդների մասով` երրորդը, իսկ ակտիվներով` չորրորդը: Սրանք բավականին լավ ցուցանիշներ են, որովհետև ապացուցում են թե ինչպիսի մեծ վստահություն կա բնակչության կողմից մեր բանկի հանդեպ: Ես հպարտությամբ փաստում եմ, որ Արդշինինվեստբանկն այսօր ՀՀ բանկային ոլորտի առաջատար հնգյակի մեջ է: Սակայն, այս ցուցանիշները մասամբ մեզ չեն գոհացնում, քանի որ որոշ առումներով բանկը զիջել է իր դիրքերը, ինչը մեծապես կապված էր մեր որդեգրած պահպանողական վարկային քաղաքականության հետ, որը մենք վարում էինք կապված Հայաստանում, և ընդհանրապես աշխարհում ստեղծված ֆինանսատնտեսական ճգնաժամի պատճառով: Այդ իսկ պատճառով վարկային պորտֆելի որոշակի նվազման միտումներ գրանցվեցին բանկում, որը այս տարվա ընթացքում հաղթահարել ենք բարեբախտաբար: Մասնավորապես, երկրորդ եռամսյակում մենք շեշտակի աճ ունենք մեր վարկավորման ծավալների առումով:
-Մի պահ, կարծես թե, բանկերն ունեին արտաքին ռեսուրսների թանկացման և ներգրավման բարդացման խնդիր: Ինչպիսի± իրավիճակ է այսօր:
-Իրականում արտաքին ռեսուրսների ներգրավման դժվարությունները կարծես թե արդեն վերացել են: Անցած տարի մենք ռեսուրսներ ենք ներգրավել արտաքին երկու աղբյուրներից: Նույնիսկ ճգնաժամի ամենալարված ժամանակաշրջանում` 2009թ. մարտին, մեր բանկը կարողացավ ամերիկյան “World Business Capital” վարկային կազմակերպությունից ներգրավել 10 մլն. դոլարի չափով վարկային ռեսուրսներ` փոքր և միջին բիզնեսի ֆինանսավորմանն ուղղելու համար: Հետագայում, այլ կոմերցիոն բանկերից նույնպես ներգրավեցինք ռեսուրսներ, մասնավորապես` լիբանանյան "Բիբլոս" բանկից: Այս տարի մարտին ևս 10 մլն դոլարի պայմանագիր կնքեցինք Նավթարտահանող երկրների միության (OPEC) Միջազգային զարգացման ֆոնդի (OFID) հետ: Կա ևս 10մլն. դոլարի ռեսուրս` բավական մատչելի տոկոսներով և այն կուղղենք նորից փոքր և միջին բիզնեսի, հիմնականում` վերականգնվող էներգետիկայի ֆինանսավորմանը:
Ուրախալի փաստ է, որ աճում են մեր ֆիզիկական անձանց կողմից ներգրավված ժամկետային ավանդները, ինչն ավելի խրախուսելի է: Վերանայելով մեր քաղաքականությունն այս ոլորոտում, մենք մի փոքր բարձրացրել էինք դրամական ավանդատեսակների տոկոսադրույքները, իսկ, ահա արտարժույթային ավանդների տոկոսադրույքների նվազեցում ենք կատարել: Ի դեպ, այս պահին արտարժութային ավանդային տոկոսների նվազման քաղաքականություն իրականացնում են նաև այլ հայկական բանկեր:
-Բնակչության համար ինչպիսի± վարկային պորտֆելներ ունի բանկը:
- Բնակչությանը առաջարկում ենք վարկային նոր ծրագրեր: Բանկում ստեղծվել է նոր ստորաբաժանում, որը կոչվում է "Մանրածախ բիզնեսի զարգացման դեպարտամենտ", որը պետք է ավելի զարգացնի մանրածախ բիզնեսը, որի մեջ մտնում է ինչպես ավանդների ներգրավումը, մասնավոր դրամական փոխանցումները, տարաբնույթ բանկային ծառայությունները, վարկային տարբեր փաթեթներ, քարտային վարկային ծառայություններ (ARCA, VISA և MASTER քարտերով): Կախված աշխատավարձի չափից, ինչպես նաև մեր և աշխատատուի համագործակցության խորությունից, տրամադրվող օվերդրաֆտը կարող է լինել 50 տոկոսից մինչև աշխատավարձի եռապատիկի չափով: Մենք տրամադրում ենք նաև ոսկու գրավով վարկեր: Չնայած, առայժմ ձեռնպահ ենք մնում սպառողական վարկերի տրամադրումից, բայց արդեն սկսել ենք ավտովարկավորում` այս ոլորտում համագործակցելով Հայաստան ավտոմեքենաներ ներկրող հեղինակավոր ընկերությունների հետ:
-Ճի±շտ են արդյոք այն խոսակցությունները, թե Արդշինինվեստբանկը արտասահմանյան բորսայում ցուցակվելու մտադրություն ունի: Այս համատեքստում հայաստանյան կապիտալի շուկայի զարգացումների վերաբերյալ ձեր գնահատականները` հատկապես, որ որոշ ժամանակ առաջ կապիտալի տեղական շուկայում գրանցվել է բանկի պարտատոմսերի հետգնում:
-Համաշխարհային ֆինանսական ճգնաժամից առաջ Արդշինինվեստբանկը հայտարարել է միջազգային բորսաներում ցուցակվելու իր մտադրության մասին, սակայն ճգնաժամն իր շտկումներն արեց և փոխեց մեր բանկի քաղաքականությունն այդ ուղղությամբ, քանի որ ճգնաժամի պայմաններում որևէ բանկի ցուցակումն օտար բորսաներում չի կարող հետաքրքրություն առաջացնել: Կարծում եմ, որ առայժմ այդպիսի պլանները պետք է հետաձգվեն և Արդշինինվեստբանկի կառավարման օղակները և թիմը կարծում եմ չեն սխալվել նման որոշում կայացնելով: Իսկ բանկի պարտատոմսերի հետգնման առումով ասեմ, որ դրանք մեկ տարվա ժամկետով թողարկված պարտատոմսեր էին և դրանց ետգնումը բնական գործընթաց է: Կարծում եմ` դա ժամանակին արված լավ գործողություն էր և ժամանակին էլ ավարտված:
-Արդշինինվեստբանկը ՀՀ բանկային համակարգի առաջատարներից է նաև վճարած հարկերի ծավալով. 2009 ֆինանսական տարվա արդյունքներով 19-րդն էր 300 խոշոր հարկատուների շարքում:
-Այո, Արդշինինվեստբանկը խոշոր հարկատուների ցանկում է և 2009թ.-ի արդյունքներով 19-րդ հորիզոնականում էր: Դա վկայում է նաև բանկային համակարգի պարտաճանած հարկատու լինելու փաստը, ինչպես այլ բանկեր, մենք ևս պարտաճանաչ հարկատուներ ենք, և կատարում ենք հարկային և սոցիալական մեր պարտավորությունները: Մենք պետք է լինենք լավ և պարտաճանաչ հարկատուներ, որպեսզի մեր երկրի տնտեսությունը ընդհանուր տնտեսական զարգացումները գրանցեն ավելի լավ ցուցանիշներ, ինչպես նաև լուծվեն բազմաթիվ սոցիալական խնդիրներ: Մեր հարկերով մենք պետք է օգնենք, որ պետությունը և° սոցիալական, և° կրթական, և° մշակութային, և° ռազմական և այլ հոգսեր կարողանա հոգալ: Հենց այդ գիտակցելով էլ առաջնորդվում ենք լինելով միշտ պարտաճանաչ հարկատու ենք և ուրախ, որ զբաղեցնում ենք բարձր հորիզոնականներ նաև խոշոր հարկատուների ցուցակում:
-Ինչպես եք գնահատում հարկային համակարգի վերջին երկու տարիների բարեփոխումների ընթացքը:
-Համակարգի բարեփոխումների վերաբերյալ վերջին տարիներին և, մասնավորապես, վերջին ամիսներին շատ է խոսվում և կարծում եմ, որ երկիրը այս առումով զարգանում է ճիշտ ուղղությամբ, քանի որ հարկային բարեփոխումներն ու վարչարարության բարելավումը տանում են նրան, որ հարկային բեռը սկսում է ավելի հավասարաչափ բաշխվել հարկատուների վրա, իսկ հարկային վարչարարությունն իր հերթին նպաստում է երկրի տնտեսության զարգացմանը: Հարկային վարչարարության բարելավման ընթացքում կիրառվող հավասարության սկզբունքը նպաստում է ինչպես երկրի ամբողջ տնտեսության, այնպես էլ նեղ ֆինանսական սեկտորի զարգացմանը: Որքան խիստ և թափանցիկ վարչարարություն արվի հարկային դաշտում, այնքան մեր` բանկային ոլորտի ղեկավարներիս, աշխատանքը կհեշտանա, այնպես որ հարկային բարեփոխումների արդյունավետությունը զգում է նաև բանկային համակարգը:


"Հարկատու" ամսագիր ապրիլ-հունիս 2010

Համաշխարհային փորձը վկայում է այն մասին, որ նույնիսկ ամենազարգացած երկրների տնտեսություններում, որտեղ առկա են մեծ թվով գերխոշոր ձեռնարկություններ, երկրի համախառն արդյունքի հիմնական զանգվածը ստեղծվում է մեծ թվով փոքր և միջին ձեռնարկությունների կողմից: Դրանք հանդիսանում են տնտեսության ճկունության և զարգացման երաշխավորներ, վերարտադրության կառուցվածքի պահպանման և շտկման զորեղ միջոց, որը բավարարում է բնակչության պահաջմունքներն աշխատանքի և սոցիալական ծառայությունների բնագավառներում:
Տնտեսության անցումային շրջանում առաջնային խնդիրներից է աշխատանքային գործունեության խթանման և զարգացման, ինքնազբաղվածության տարբեր տեսակների զարգացման համար բարենպաստ պայմանների ստեղծումը: Այդ պարագայում ակնհայտ է դառնում փոքր և միջին բիզնեսի դերը: Փոքր և միջին ձեռնարկությունների գործունեությունն առավել ճկուն է, հետևաաբար նրանք արագ են արձագանքում սպառողական պահանջարկի փոփոխություններին: Փոքր և միջին բիզնեսն ակտիվորեն մասնակցում է միջին խավի ձևավորման գործընթացին, որը հանդիսանում է հասարակության սոցիալական կայունության երաշխիքը:
Ֆինանսական ճգնաժամն իր բացասական ազդեցությունն ունեցավ տնտեսության գրեթե բոլոր ոլորտների վրա, որոնց թվում էր նաև փոքր և միջին բիզնեսը, սակայն ՓՄՁ վարկավորմանն ուղղվող ֆինանսական միջոցների մեծ ծավալները վկայում են այն մասին, որ փոքր և միջին բիզնեսի ոլորտում առկա է ֆինանսավորման պահանջարկ, հետևաբար այդ ոլորտում առկա է տնտեսական գործունեության ակտիվություն:
Արդշինինվեստանկը փոքր և միջին ձեռներկատիրական գործունեության վարկավորում իրականացնում է շուրջ 7 տարի` “Արդշինինվեստբանկ” ՓԲԸ կազմավորման հենց սկզբից: Այս ժամանակահատվածում տրամադրվել են ինչպես մեծածախ ու մանրածախ առևտրի, այնպես էլ արտադրա-արդյունաբերական ոլորտում շրջանառության ծավալների ընդլայնման և կապիտալ ներդրումների իրականացման նպատակով վարկեր: Վարկավորվել են տնտեսության գրեթե բոլոր ճյուղերը` թեթև արդյունաբերությունը, գյուղատնտեսությունը, վերականգնվող էներգետիկան, առողջապահությունը, զբոսաշրջությունը, սպասարկման և ծառայությունների բազմաթիվ ոլորտներ:
Բանկի կողմից ՓՄՁ վարկավորում իրականացվում է նաև ձեռնարկատիրության և գյուղատնտեսության զարգացման նպատակով միջազգային ծրագրերից ստացվող վարկային միջոցներով: Նման կառույցների հետ Բանկը համագործակցում է 6-7 տարի:
ՓՄՁ վարկավորումն իրականացվում է վարկերի, վարկային գծերի, օվերդրաֆտների միջոցով: ՓՄՁ հաճախորդներին տրամադրվում են երաշխիքներ, իսկ անհրաժեշտության դեպքում բացվում են ակրեդիտիվներ:
Կարևորելով ՓՄՁ-ի դերը տնտեսության մեջ` Արդշինինվեստբանկում այս տարի ստեղծվեց Փոքր և միջին բիզնեսի զարգացման դեպարտամենտ, ինչն իր ներդրումը կունենա փոքր և միջին բիզնեսի խթանման, տնտեսության զարգացման, առողջ մրցակցային դաշտի ձևավորման, նոր աշխատատեղերի ստեղծման, գործազրկության մակարդակի կրճատման և այլ խնդիրների լուծման գործում: Փոքր և միջին բիզնեսի զարգացման դեպարտամենտի ակտիվ գործունեությունը հնարավորություն կտա Բանկին առավել խորությամբ ուսումնասիրել և բացահայտել տվյալ ոլորտի առանձնահատկությունները և բնորոշ ռիսկերը:
Արդշինինվեստբանկի ՓՄՁ վարկավորման քաղաքականությունը միտված է առավել բարենպաստ պայմաններով վարկավորել մեր երկրի փոքր և միջին բիզնեսի ներկայացուցիչներին: Բանկը տնտեսության գրեթե բոլոր ճյուղերի վարկավորումից բացի առաջարկում է նաև բիզնեսի ընդլայնման, շրջանառու միջոցների համալրման, հիմնական միջոցների ձեռքբերման համար վարկեր և վարկային գծեր:
Արդշինինվեստբանկը, հանդիսանալով կայուն և վստահելի գործընկեր, որը միշտ մտածում է իր հաճախորդների շահերի մասին, ներկայումս առաջարկում է ձեռնարկատիրական վարկեր և վարկային գծեր, որոնց առանձնահատկություններն են` վարկային դիմումի նվազագույն պահանջները, վարկի արագ տրամադրումը, ցածր տոկոսադրույքը (սկսած տարեկան 12%-ից), վարկի մայր գումարի և տոկոսային վճարումների անհատական գրաֆիկը` հարմարեցված հաճախորդի բիզնեսի առանձնահատկություններին, գրավի արդյունավետ գնահատումը և գնահատված լիկվիդային արժեքի մինչև 70 տոկոսի չափով վարկի տրամադրումը, ինչպես նաև տոկոսադրույքի նվազեցումը` բարեխիղճ և հավատարիմ հաճախորդների համար: Վարկերը տրամադրվում են Արդշինինվեստբանկի բոլոր 55 մասնաճյուղերում Հայաստանի բոլոր մարզերում և ԼՂՀ-ում:

"Հայաստանի Հանրապետություն" Օրաթերթ, 14.05.2010

Հարցազրույց "Արդշինինվեստբանկի" վարչության նախագահ Ներսես Կարամանուկյանի հետ

-Պրն Կարամանուկյան, անցած տարի "Արդշինինվեստբանկում" կառուցվածքային բարեփոխումներ են իրականցվել։ Ի՞նչ բարեփոխումներ են դրանք և ինչ նպատակներ են հետապնդում։
-Իրականացված կառուցվածքային բարեփոխումների հիմնական նպատակն էր բանկի բիզնեսների՝ բանկային բոլոր տեսակի պրոդուկտների զարգացումը։ Բարեփոխումների արդյունքում մենք վարկային դեպարտամենտի փոխարեն ստեղծեցինք երեք ստորաբաժանումներ՝ Ռազմավարական հաճախորդների հետ աշխատանքի դեպարտամենտ« Փոքր և միջին բիզնեսի զարգացման դեպարտամենտ և Մանրածախ բիզնեսի զարգացման դեպարտամենտ։ Յուրաքանչյուր դեպարտամենտ իր անվանը համահունչ զարգացնելու է կոնկրետ բիզնես ուղղություն« բայց շեշտը դրվելու է փոքր և միջին բիզնեսի զարգացման վրա։ Այսօր տեսնում ենք, որ Հայաստանում շեշտադրումը պետք է կատարել ՓՄՁ զարգացման վրա, որի դերը տնտեսության մեջ պետք է բարձրանա։ Երկարատև ներդրումներ կատարելով փոքր և միջին բիզնեսում` մենք կնպաստենք նաև տնտեսության կայուն զարգացմանը։ Իհարկե, մենք չենք մոռանալու նաև մեր ռազմավարական կորպորատիվ հաճախորդների մասին, և դրա համար ստեղծված մեր դեպարտամենտը թիրախավորված աշխատանք է տանելու` էլ ավելի զարգացնելով այդ ուղղությունը։ Մանրածախ բիզնեսի զարգացման դեպարտամենտը աշխատելու է հիմնականում ֆիզիկական անձանց հետ` առաջարկելով տարատեսակ բանկային պրոդուկտներ, կտրամադրվեն նաև միկրովարկեր անհատ ձեռներեցներին և փոքր գյուղացիական տնտեսություններին։
Մեր բանկը առաջիններից մեկն է, որի կազմում արդեն ստեղծվել է Ռիսկերի կառավարման առանձնացված դեպարտամենտ: Այն ունի երեք վարչություն` դա շուկայական և իրացվելիության ռիսկերի վարչությունն է« գործառնական ռիսկերի վարչությունը և, ամենակարևորը, վարկային ռիսկերի վարչությունը։ Սրանք են հիմնական այն կառուցվածքային փոփոխությունները, որոնք կատարվել են բանկում։ Այս բոլորով էլ ավելի լայն թափով մուտք կգործենք շուկա և կառաջարկենք տարատեսակ բանկային պրոդուկտներ բոլոր մեր հաճախորդներին։
Բիզնեսի զարգացման հիմնական ուղղությունները կոորդինացվելու և ղեկավարվելու են բանկի վարչության նախագահի տեղակալի« բանկի մասնաճյուղային ցանցի ղեկավարի կողմից։

-Կառուցվածքային բարեփոխումների արդյունքում հաճախորդների համար որքանո՞վ մատչելի կլինեն ծառայությունները ։
- Մենք ավելի հասանելի ենք դարձնելու մեր ծառայությունները հաճախորդներին« իրականացնելու ենք մարկետինգային ուսումնասիրություններ« ներկա և ապագա հաճախորդներին ցույց ենք տալու մեր տեղը և դիրքը շուկայում։ Հայաստանում բանկայնացման տոկոսը« այսինքն` բանկերում հաշիվների թիվը փոքր է« բնակչության կողմից բանկային ծառայություններից օգտվելու մակարդակը` բավական ցածր։ Բանկայնացման մակարդակը հնարավոր է բարձրացնել դառնալով` ավելի մատչելի և հասանելի հաճախորդների համար։

-Վերջերս բանկը զգալի միջազգային վարկային միջոցներ է ներգրավել։ Ի՞նչ ուղղություններով եք իրականացնելու վարկավորումը և հիմնական շեշտադրումը ո՞ր ոլորտների վրա պետք է կատարեք։
-Անցած տարի օրինակ World Business Capital-ից ներգրավված միջոցներով վարկավորման ուղղությունն էր փոքր և միջին բիզնեսի զարգացումը։ Մեկ շաբաթ առաջ մեր բանկը ստորագրեց նաև $10 մլն-ի վարկային պայմանագիր OFID-ի (OPEC Fund for International Development) հետ։ Մեզ համար պատվաբեր է, որ OFID-ը մեր բանկը ընդգրկեց Հայաստանում իր գործընկեր բանկերի շարքում։ Այդ կազմակերպությունը միջոցներ հատկացնում է ոչ միայն մասնավոր կազմակերպություններին« բանկերին« այլև պետություններին՝ տարբեր ծրագրերի ֆինանսավորման նպատակով։ Հայաստանում այդ հեղինակավոր կազմակերպությունը ֆինանսավորում է ենթակառուցվածքային պետական ծրագրեր։
Մեր կողմից OFID-ից ներգրավված երկարաճամկետ ռեսուրսները նույնպես ուղղվելու են փոքր և միջին բիզնեսի զարգացմանը։ Ունենալով երկարաժամկետ ռեսուրսներ` մենք կկարողանանք մատուցել մատչելի բանկային ծառայություններ՝ այդ թվում` կիրականացնենք երկարաժամկետ վարկավորում։
Հնարավոր է նաև նոր ռեսուրսների ներգրավում վերականգնվող էներգետիկայի վարկավորման մեր գործունեությունը շարունակելու համար։ Դրա մեջ կմտնի փոքր և միջին հիդրոկայանների ֆինանսավորումը« ինչպես նաև մասնակցությունը վերականգնվող էներգետիկայի այլ նախագծերի։ Իհարկե չենք մոռանա այլ ուղղությունների ֆինասավորումը` լինեն դրանք մեր երկրի համար գերակա« թե այլ ուղղություններ։ Մենք պատրաստ ենք ֆինանսավորել բոլոր տեսակի ձեռնարկություններին և նախագծերին։

-Այս տարի այլ միջազգային ֆինանսական կառույցներից նախատեսո՞ւմ եք միջոցներ ներգրավել։
-Մենք բանակցում ենք մի քանի ֆինանսական կազմակերպությունների հետ, որոնց գործունեության ուղղությունը զարգացման ֆինանսավորումն է։ Կարծում եմ« որ հարկ եղած դեպքում, մինչև տարեվերջ, կկարողանանք մեկ երկու նոր վարկային պայմանագիր ստորագրել։ Մեր խնդիրը ոչ թե միջոցների ներգրավումն է, այլ այդ միջոցների արագ տեղաբաշխումը։ Այդ իսկ պատճառով նախ կտեղաբաշխենք OFID-ից ստացվելիք միջոցները« հետագայում, հարկ եղած դեպքում, նոր միջոցներ կներգրավենք նաև այլ կազմակերպություններից։ OFID-ի միջոցները նախատեսում ենք ամբողջովին տեղաբաշխել այս տարվա ընթացքում։

-Վերջին ամիսներին պաշտոնական վիճակագրությունը արձանագրում է մակրոտնտեսական ցուցանիշների որոշակի բարելավում։ Դա որևէ կերպ արտացոլվո՞ւմ է բանկի վարկառուների և ավանդատուների վարքում։
-Իհարկե, մենք փոփոխություններ տեսնում ենք, և դա երևում է մեր եռամսյակային ցուցանիշներում« որոնք շուտով կհրապարակվեն։ Տեղաշարժ է նկատվել ավանդատու իրավաբանական անձանց մասով, որոնց ավանդները զգալիորեն կրճատվել են։ Դա նշանակում է, որ նրանք տեսնում են տնտեսության բարելավման« զարգացման միտումները և իրենց ավանդները վերածում են ներդրումների։ Ֆիզիկական անձանց գծով ավանդների կրճատում տեղի չի ունեցել« այլ ընդհակառակը` նկատվել է ծավալների աճ։ Դա ևս լավ ցուցանիշ է, որը ցույց է տալիս, որ բանկի նկատմամբ վստահությունը շարունակում է աճել« որ ֆիզիկական անձանց մոտ ավելացել են ազատ միջոցները։ Ցավոք, ավանդների և խնայողությունների զգալի մասը պահվում է արտարժույթով« բայց կան նաև դրամային ավանդներ։

-Վերջին շրջանում ԿԲ-ն մի քանի անգամ բարձրացրեց վերաֆինանսավորման տոկոսադրույքը։ Դրանով պայմանավորված` Ձեր բանկում վարկավորման պայմանների վերանայում նախատեսո՞ւմ եք։ Եթե այո« ապա որո՞նք են դրանք լինելու։
-Վերաֆինանսավորման տոկոսադրույքի բարձրացումը հիմնականում ազդում է միջբանկային վարկերի և ռեպո գործարքների տոկոսադրույքների վրա« բայց հիմնականում էականորեն չի ազդում վարկավորման տոկոսադրույքների վրա։ Վարկավորման տոկոսադրույքները պետք է մրցակցային լինեն: Բանկային առողջ մրցակցության պայմաններում բոլորը պետք է հիմնվեն վերաֆինանսավորման տոկոսադրույքի և այլ ցուցիչների վրա։ Որպեսզի մնանք մրցունակ` մենք վարկերի տոկոսադրույքների վերանայում դեպի բարձրացում չենք կատարելու« դեպի ներքև` հնարավոր է։

-Ի՞նչ կասեք ԿԲ-ի կողմից ներմատիվային դաշտում կատարվող փոփոխությունների մասին: Արդյոք դրանք ուղղված չե՞ն բանկերի ճկուն քաղաքականության սահմանափակմանը։
-ԿԲ-ի կողմից վերջին ժամանակներս կատարվող փոփոխությունները նորմատիվային դաշտում հիմնականում միտված են երկրում դոլարիզացիայի մակարդակի զսպմանը։ Մենք գտնում ենք, որ այդ փոփոխություններն ուղղված են ֆինանսական համակարգի կայունության պահմանմանը և տնտեսության բնականոն կայուն աճ ապահովելուն։

-Ձեր բանկը երկրում դոլարիզացիայի մակարդակի կրճատման ուղղությամբ ի՞նչ քայլեր է նախատեսում իրականացնել։
-Դոլարիզացիայի մակարդակի նվազեցմանն ուղղված միջոցառումները մեր երկրի տնտեսությունում գործող բոլոր տնտեսվարողների խնդիրը պետք է լինի։ Դոլարիզացիայի մակարդակի ավելացումը ոչ մեկին` թե՜ տնտեսական գործունեության« թե՜ երկարաժեմկետ պլանավորման առումով, ձեռնտու չէ։ Կարծում եմ, որ թե՜ ֆինանսական հատվածի, թե՜ իրական հատվածի ներկայացուցիչները ձեռք ձեռքի տված պետք է պայքարեն դոլարիզացիայի մակարդակի զսպման և իջեցման ուղղությամբ։

-Այս տարի կանխատեսվում է գնաճի բարձր մակարդակ։ Հաշվի առնելով այս հանգամանքը, որքանո՞վ է հնարավոր, որ բաներկը վերանայեն ավանդների տոկոսադրույքները։
-Տնտեսագիտորեն, իհարկե, ավանդների տոկոսադրույքները պետք է համաչափ լինեն ակնկալվող գնաճի մակարդակին։ Սակայն այս պահին« կարծում եմ, որ ավանդների գործող տոկոսադրույքների կտրուկ բարձրացում չի սպասվում« քանի որ բանկերը գերիրացվելի են, և բարձր տոկոսադրույքներով նոր միջոցների ներգրավման անհրաժեշտություն բանկային համակարգը չունի, իսկ արտարժութային ներգրավումների մասով կլինեն նույնիսկ իջեցումներ։

Արմենակ Չատինյան, "Կապիտալ" Օրաթերթ, 02.04.2010

-Պրն Կարամանուկյան, այս տարին բարդ էր թե՜ տնտեսության, թե՜ բանկային համակարգի համար: Տարին ինչպե՞ս եք փակում, ի՞նչ ձեռքբերումներով ու բացթողումներով:
-Այս տարվա մեր հիմնական ձեռքբերումն այն է, որ տարին փակում ենք շահւյթով: Մեզ մոտ նաև եղել է ակտիվների աճ, տեղի է ունեցել նաև թե՜ ֆիզիկական, թե՜ իրավաբանական անձանց դեպոզիտների աճ: Ցավով պետք է նշեմ, որ այս տարվա ընթացքում նվազել է բանկի վարկային պորտֆելը, բայցևայնպես վերջին ամիսներին նկատվում է վարկավորման ծավալների աճ: Հաշվի առնելով այս միտումը` կարծում եմ, որ վարկային պորտֆելի մասով այս տարվա բացթողումը մենք կվերականգնենք արդեն գալիք տարվա ընթացքում:
Ես վերջերս եմ նշանակվել վարչության նախագահի պաշտոնում, և կարծում եմ, որ բանկում բացթողումներ չեն եղել: Պարզապես պայմանավորված համաշխարհային ֆինանսատնտեսական ճգնաժամով` եղել են որոշակի բացասական ակնկալիքներ, ինչի պատճառով բանկը վարել է ավելի պահպանողական քաղաքականություն: Կարծում եմ` ոչ միայն մեր բանկում, այլև այլ բանկերում գարնանը ձևավորվել էին բացասական սպասելիքներ, և բանկերը շատ ակտիվ չէին գործում: Այս տարվա սեպտեմբերից արդեն բանկերը ցուցաբերեցին որոշակի ակտիվություն ինչպես վարկերի տրամադրման, այնպես էլ տնտեսվարողներին այլ բանկային ծառայություններ մատուցելու առումով:

-Այս տարի "Արդշինինվեստբանկը" մի քանի վարկային գծեր է ստացել միջազգային ֆինանսական կառույցներից: Հաշվի առնելով, որ դրսի միջոցներն ավելի թանկ են դարձել, դրանց ներգրավումը որքանո՞վ էր նպատակահարմար և ի՞նչ ուղղություններով են դրանք տեղաբաշխվել:
-Այս տարվա ընթացքում մենք օգտվել ենք մեկ խոշոր ռեսուրսից. ամերիկյան World Business Capital-ից ստացել ենք $10 մլն-ի վարկ` տասը տարի ժամկետով: Չէի ասի, որ սա թանկ ռեսուրս է, քանի որ համեմատած ներքին շուկայում առկա ռեսուրսների հետ` այն, այնուամենայնիվ, ավելի էժան է: Բացի այդ, դա երկարաժամկետ ռեսուրս է: Ներգրավված միջոցներն ուղղվելու են հիմնականում փոքր և միջին բիզնեսի վարկավորմանը: Առևտրի ֆինանսավորման համար նաև ռեսուրսներ ենք ներգրավել Միջազգային ֆինանսական կորպորացիայի գլոբալ առևտրի ֆինանսավորման ծրագրով: Միջոցներ են ներգրավվել նաև բելգիական KBC բանկից, վերջիններս տրամադրվել են առողջապահական ընկերություններից մեկին` ժամանակակից բժշկական սարքավորումներ ձեռք բերելու համար:

-Իսկ ներքին շուկայից միջոցներ ներգրավելու ծրագրեր ունե՞ք` պարտատոմսերի թողարկմամբ:
-Այս պահին նման ծրագրեր չունենք: Դա նպատակահարմար չենք համարում, քանի որ պարտատոմսերի շուկայում ակտիվությունն այնքան էլ բարձր չէ:

-"Արդշինինվեստբանկն" ուներ արտասահմանյան բորսայում ցուցակվելու մտադրություն: Հեռանկարում IPO-ի ծրագիր ունե՞ք:
-Հեռանկարում` ունենք, բայց այդ ժամկետը ճիշտ որոշելը կախված կլինի մեր միջնաժամկետ զարգացման ծրագրերից: Այս պահին բավական դժվար է հստակ ժամկետ նշել, թե երբ կգնանք բաժնետոմսերի առաջնային տեղաբաշխման: Արտասահմանյան բորսաներից մեկում ցուցակվելու մեր ծրագիրը կասեցվել է մինչև լավ ժամանակներ: Կարծում եմ` ներկայում միջազգային շուկայում IPO իրականացնելը շատ դժվար կլինի, քանի որ միջազգային ներդրողների կողմից մեր նման տարածաշրջաններում ներդրումներ կատարելու ցանկություն կարծես թե չկա:

-Այս տարի բանկային համակարգում ավելացել է չվերադարձելիության տոկոսը: Ձեզ մոտ ինչպե՞ս է վիճակը:
-Ընդհանուր բանկային համակարգում ամռան ընթացքում վարկերի չվերադարձելիության մասով կարծես աճ էր նկատվում, բայց ԿԲ-ի և բանկերի ջանքերի շնորհիվ հնարավոր եղավ կանխել այդ բացասական երևույթը: Որոշ դեպքերում կատարվեցին վարկերի վերաձևակերպումներ, և բանկային համակարգում չվերադարձելիության որոշակի նվազում տեղի ունեցավ: Կարծում եմ` ասօր բանկային համակարգում չվերադարձելիության մակարդակը 10%-ի սահմաններում է, իսկ մեր բանկում` 9,5%-ի: Չվերադարձվող վարկեր կան և՜ ֆիզիկական անձանց, և՜ իրավաբանական անձանց գծով:

-Մտավախություններ կան, որ Ռուսաստանում կարող է լինել վարկերի չվերադարձելիության երկրորդ ալիք: Հայաստանում նման զարգացում հնարավո՞ր է, բանկային համակարգը պատրա՞ստ է դրան:
-Մի շարք հեղինակավոր տնտեսագետներ, ֆինանսիստներ ասում են, որ այս պահին կանխատեսումներ անելը ամենաանշնորհակալ գործն է: Ես նույնպես չեմ կարող կանխատեսումներ անել` արդյոք Ռուսաստանում կլինի՞ երկրորդ ալիք, թե՞ ոչ: Հուսանք, որ չի լինի: Եթե նույնիսկ Հայաստանում ռուսական ազդեցությամբ լինի երկրորդ ալիք, ապա մեր բանկային համակարգը բավական պատրաստված, կազմակերպված է, և կարող է դիմագրավել այդ բացասական ալիքին: Այսօր մեր բանկային համակարգում բավական բարձր է իրացվելիության մակարդակը. բանկերը, որոնք ունեին միջոցների կարիք, ավելացրել են կապիտալը: Մեր բանկն ունի բավական մեծ կապիտալ, ունենք բարձր իրացվելիության մակարդակ, և չեմ կարծում, որ այդ բացասական զարգացումը որևէ ձևով շատ մեծ ազդեցություն կարող է ունենալ մեր բանկի վրա կամ բանկային համակարգի վրա ընդհանրապես: Այսօր մեր բանկային համակարգը համարվում է տարածաշրջանի առողջ համակարգերից մեկը:

Վերջերս ԿԲ-ն մտցրեց հատուկ նորմատիվ`արտարժույթի դիրքի մասով: Ներկայումս քննարկվում է մեկ անձի գծով պարտավորությունների սահմանափակման նորմատիվի հարցը: Ըստ Ձեզ` սրանք վատ զարգացումների նախապատրաստությո՞ւն են:
-Մեկ անձի գծով պարտավորությունների սահմանափակման նորմատիվը նախատեսված է "Բանկերի և բանկային գործուներության մասին" ՀՀ օրենքով: Այս նորմատիվի ներդրումը նաև ԿԲ-ի խորհրդի որոշումներից մեկի պահանջն է: Այս նորմատիվի ներդրման նպատակն այն է, որ բանկերում լինի ֆինանսավորման աղբյուրների կենտրոնացվածության սահմանաչափ, քանի որ հակառակ պարագայում բանկը կախվածության մեջ է լինում մեկ անձի ֆինանսական վիճակից: Այս ցուցանիշը լայնորեն տարածված է միազգային ֆինանսական պրակտիկայում, և դա թույլ է տալիս բանկերին իրացվելիության ռիսկերի կառավարման տեսակետից լինել ավելի զգոն: Բանկերը պետք է նաև դիվերսիֆիկացնեն իրենց ֆինանսական ռեսուրսները և կախված չլինեն մեկ աղբյուրից: Կարծում եմ, որ ճիշտ կլինի` մեր բանկերը դիվերսիֆիկացնեն իրենց ֆինանսական աղբյուրները: Մեր բանկում նույնպես այդ ուղղությամբ աշխատանքներ տարվում են, ընթանում են բանակցություններ տարբեր ֆիանսական կառույցների հետ` հավելյալ ֆինանսական միջոցներ ներգրավելու նպատակով: Դրանով մենք նույնպես կդիվերսիֆիկացնենք ֆինասական աղբյուրները: Կարծում եմ, որ ԿԲ-ն ճիշտ է անում, որ մշակում է նման նորմատիվի ծրագրեր, քանի որ դա իրացվելիության բարձր մակարդակ ունենալու համար անհրաժշետ նորմատիվ է: Մեր բանկը կողմ է նման նորմատիվի ներդրմանը:

-Իսկ ին՞չ կասեք արտարժույթի դիրքի նորմատիվի մասին:
-ԿԲ-ի կողմից այդ նորմատիվի ներդրումը կանխեց որոշակի բացասական զարգացումներ: Չեմ կարծում, որ արտարժույթի շուկայում լինեն կտրուկ տատանումներ: Այդ նորմատիվով կանխվեցին նաև որոշ տնտեսվարողների, ինչու ոչ` բանկերի որոշ սպեկուլյատիվ գործողություններ: Մտցնելով այդ նորմատիվը` ԿԲ-ն կարողացավ զսպել ռիսկերը: Կարծում եմ` ԿԲ-ն ճիշտ ժամանակին մտցրեց այդ նորմատիվը:

-Վերջին մի քանի օրերին դրամը կտրուկ սկսեց արժևորվել: Ըստ Ձեզ` դա պայմանավորված է Ամանորո՞վ, թե՞ սկսվել է ազգային արժույթի ամրապնդումը:
-Բնակչության խնայողությունները, որոնք տարվա ընթացքում վերածվել էին արտարժույթի, Ամանորի նախօրեին փոխարկվում են դրամի, այդ իսկ պատճառով արտարժույթի շուկայում նկատվում էր արտարժույթի ավելցուկ: Ներկայում բավական դժվար է կանխատեսել, թե ի՞նչ փոխարժեք կլինի, օրինակ` տարվա սկզբին: Բայց կարծում եմ, որ դրամի փոխարժեքի կտրուկ տատանումներ չեն լինի: Մենք արժեզրկման կամ արժևորման մեծ տատանումներ չենք կանխատեսում:

-Տնտեսվարողներն ակնկալում են, որ բանկերը կշարունակեն իջեցնել տոկոսադրույքները: Ըստ Ձեզ` ներկայում որքանո՞վ է դա իրատեսական:
-Եթե նկատել եք, վերջին ամիսներին բանկային համակարգում արդեն տեղի է ունենում տոկոսադրույքների նվազում: Դրան նպաստում է ԿԲ-ի վարած քաղաքականությունը, բանկերին վարկային միջոցների տրամադրումը տարատեսակ վարկային ծրագրերով, մասնավորապես` ռուսական վարկի, KfW բանկի և Համաշխարհային բանկի ՓՄՁ ծրագրի շրջանակներում: Բանկային համակարգ են մուտք գործել ավելի էժան ռեսուրսներ թե՜ դրամով, թե՜ արտարժույթով, ինչը բանկերին թույլ է տվել վերանայել տոկոսադրույքները: Կարծում եմ` տոկոսադրույքների իջեցման գործընթացը առաջիկայում կշարունակվի:

-Որոշ գործարարներ համարում են, որ բանկերը չպետք է լինեն խոշոր հարկատուների ցուցակի առաջնային դիրքերում, քանի որ նրանք մեծ շահույթներ են ապահովում մեծ սպրեդի հաշվին, մինչդեռ բանկերն ավելի շատ պետք է օժանդակեն տնտեսության ֆինանսավորմանը: Որքանո՞վ են նման մեղադրանքները հիմնավորված:
-ժամանակին բանկային համակարգում ներգրավված և տեղաբաշխված միջոցների տոկոսադրույքների միջև եղել է մեծ մարժա, բայց վերջին երկու-երեք տարվա ընթացքում նկատվում է այդ մարժաների նվազման միտում: Այսօր Հայաստանում թույլատրելի ամենամեծ տոկոսադրույքը 24% է, մինչդեռ 7-8 տարի առաջ տոկոսադրույքները հասնում էին 37-38%-ի: Այսօր միջինացված տոկոսադրույքը բանկային համակարգում 16-17% է: Բանկերին մեղադրել, որ սահմանում են բարձր տոկոսադրույքներ, այդքան էլ ճիշտ չէ: Հայաստանի տնտեսությունում այսօր բանկերը ամենաթափանցիկ տնտեսվարողներն են, քանի որ գտնվում են ԿԲ-ի խիստ վերահսկողության դաշտում: Բացի այդ` հայտարարգրվում են բոլոր ֆինանսական ցուցանիշները, այդ թվում` շահույթը, և ըստ այդմ վճարվում է շահութահարկ:

-Քաղաքացիական օրենսգրքով սահմանված է փոխառությունների տոկոսների վերին շեմը: Ի՞նչ դիրքորոշում ունի Ձեր բանկն այդ սահմանափակման հարցում:
-Վերին շեմի սահմանումը, իմ կարծիքով, ճիշտ է: Այսօր տոկոսադրույքներն ավելի ցածր են, և վերին շեմին մոտ տոկոսադրույքներով իրական տնտեսությունը չի վարկավորվում: Վերին շեմն ավելի շատ սահմանված է սպառողական, միկրովարկերի համար: Այսօր տնտեսվարողները նման բարձր տոկոսադրույքներով միջոցներ չեն ներգրավի: Չեմ կարծում, որ բանկերի կողմից սպառողական վարկերի տրամադրման որոշակի սահմանափակումը պայմանավորված է տոկոսադրույքների վերին շեմով: Բանկերն արդեն կարծես սկսել են սպառողական վարկերի տրամադրումը: Մեր բանկը հունվարից նույնպես կսկսի տրամադրել սպառողական վարկեր:

Զրուցեցին Կարեն Հարությունյանը և Արմենակ Չատինյանը

"Արդշինինվեստբանկում" ձեռնարկված ծառայողական քննության արդյունքում հայտնաբերվել են "Գորիս" մասնաճյուղի կառավարիչ Հովիկ Բախշյանի կողմից մասնաճյուղում կատարած խախտումները: Բանկի կողմից համապատասխան հաղորդում է ներկայացվել ՀՀ գլխավոր դատախազությանը, որի համաձայն քրեական գործ է հարուցվել Հ. Բախշյանի նկատմամբ: Այս առնչությամբ "Առավոտը" զրուցեց "Արդշինինվեստբանկի" Վարչության նախագահի ժամանակավոր պաշտոնակատար Գուրգեն Հարությունյանի հետ:
- Ինչպե՞ս բացահայտվեցին կատարված անօրինականությունները:
- Նախ ցանկանում եմ փաստել, որ կատարվածի մասին հաղորդագրությունը հենց մեր կողմից է տրամադրվել իրավապահ մարմիններին, իսկ կատարված հանցագործությունը բացահայտվել է մեր բանկում ներդրված վերահսկողական համակարգի շնորհիվ: Բանկն ունի 55 մասնաճյուղեր Հայաստանում և Արցախում: Նման մեծ ցանցը ինքնին պարտադրում է լրջորեն վերաբերվել բանկային գործարքների անվտանգության մակարդակի բարձրացմանը: Այս նպատակով բանկում ներդրվել է վերահսկողության խստացված համակարգ, ինչն էլ թույլ տվեց բացահայտել կատարված կեղծ գործարքները: Մեր նպատակն է, ոչ միայն բարձրացնել աշխատակիցների աշխատանքային կարգապահությունը և պատասխանատվությունը, այլ նաև պահպանել և բարձրացնել հաճախորդների վստահությունը բանկի նկատմամբ":
- Նախնական գնահատմամբ, կեղծ գործարքների հետևանքով հասցված վնասը կազմել է մոտ 555 մլն դրամ: Սա կարո՞ղ է էական ազդեցություն ունենալ բանկի բնականոն աշխատանքի վրա:
- Իր գործունեության ընթացքում ոչ մի բանկ զերծ չի կարող մնալ գործառնական ռիսկերից: Մենք լրջորեն ենք վերաբերվում այս խնդրին, իսկ հաշվի առնելով մասնաճյուղային մեծ ցանցի առկայությունը, "Արդշինինվեստբանկը" ծախսելով բավականին շոշափելի գումար՝ ապահովագրվել է նման կորուստներից` անգլիական "ASL" ապահովագրական ընկերությունում, որի ներկայացուցիչը օրերս Լոնդոնից ժամանելու է Երևան: Ամենակարևոր այն է, որ կորցրած գումարի զգալի մասը փոխհատուցվելու է: Սակայն, անգամ գումարի վերականգնումը չի փոխհատուցի բանկի կրած բարոյական վնասը: Ինչ վերաբերվում է բանկի բնականոն գործունեությանը, ապա կարող եմ ասել, որ այս կորուստը ժամանակավոր ազդեցություն կունենա բանկի շահույթի մեծության վերականգնման վրա: Կորցրած գումարը կազմում է մեր բանկի ընդհանուր կապիտալի ընդամենը 2%-ը և ակտիվների մոտ 0,5%-ը: Նշեմ, որ բանկի զուտ շահույթը 2008-ին կազմել է 5,2 մլրդ դրամ, ընթացիկ տարվա առաջին եռամսյակում` մոտ 1,5 մլրդ դրամ: Այս թվերը հավաստում են, որ բանկը շարունակում է մնալ ֆինանսապես կայուն: Սրանք բավականին լավ ցուցանիշներ են, որոնց մենք հասել ենք նաև իրականացվող գործարքների հնարավոր ռիսկերի զսպման և կառավարման համակարգերի կիրառման շնորհիվ:
Գ. Հարությունյանի հավաստմամբ, Գորիսի մասնաճյուղում հայտնաբերված անօրինական գործարքների հետևանքով, բանկի հաճախորդներից ոչ մեկը չի տուժել:
- Որքանո՞վ է հավանական, որ բանկում հետագայում նման դեպքերը չեն կրկնվի:
- Արդեն նշեցի, որ բանկում ներդրվել է խստացված ներքին վերահսկողական համակարգ: Աշխատանքային զանցանքների կանխարգելմանը նպաստում են նաև մշտապես իրականացվող եռաստիճան ստուգումները: Այս բոլոր համակարգերի կիրառումը անհնարին է դարձնում նմանատիպ դեպքերի կրկնությունը բանկում:
"Արդշինինվեստբանկի" մինչև 2011թ. Ռազմավարական ծրագրում հստակ նշված է գործառնական ռիսկերի արդյունավետ և վերահսկելի կառավարման անհրաժեշտությունը, ինչին մենք հետամուտ ենք: Բանկում շարունակվելու են ներդրվել ռիսկերի կառավարման նոր ժամանակակից տեխնոլոգիական և ծրագրային համակարգեր, ինչի նպատակն է լինել մեր հաճախորդների վստահելի և կայուն գործընկերը՝ կյանքի բոլոր ոլորտներում":

"Առավոտ" օրաթերթ 20.05.09

Այս տարվա նոյեմբերի 10-ին "Արդշինինվեստբանկը" թողարկեց արժեկտրոնային պարտատոմսեր, որոնք մի շարք առումներով աննախադեպ էին։ Նախ այդ թողարկումն առաջինն էր իր ծավալով՝ ոչ մի կազմակերպություն 1,5 մլրդ դրամի պարտատոմսեր չի թողարկել։ Այնուհետեւ, ի տարբերություն այլ թողարկողների, "Արդշինինվեստբանկի" պարտատոմսերում ֆիզիկական անձանց ներդրումները համարվում են բանկային ավանդ եւ երաշխավորվում են ավանդների հատուցումը երաշխավորող հիմնադրամի կողմից, բնականաբար՝ օրենքով նախատեսված չափով։
Ի տարբերություն բանկային ավանդների, պարտատոմսերը բանկը կարող է հետգնել բանկի կողմից սահմանված գներով։ "Այսինքն, դրանք կարող են դիտվել ինչպես եկամտի աղբյուր, այնպես էլ իրացվելիության աղբյուր։ Մենք առաջինն ենք շուկայում, որ այս պայմաններն ենք առաջարկել", խոսելով պարտատոմնսերի թողարկման եւ դրանց տեղաբաշխման մասին, նշեց "Արդշինինվեստբանկի" բանկային գործառնությունների եւ դրամական հոսքերի կառավարման դեպարտամենտի տնօրեն, վարչության անդամ Կարեն Ջանինյանը։
Մեր զրուցակիցը հիշեցրեց, որ "Արդշինինվեստբանկը" կողմից թողարկած 1,5 մլրդ դրամով արժեկտրոնային պարտատոմսերի շրջանառության ժամկետը 12 ամիս է, թողարկման ընդհանուր քանակը՝ 150 հազար հատ, տարեկան եկամտաբերությունը՝ 10 տոկոս, 1 պարտատոմսի անվանական արժեքը՝ 10 հազար դրամ։ "Արդշինինվեստբանկի" բանկային գործառնությունների եւ դրամական հոսքերի կառավարման դեպարտամենտի տնօրենը տեղեկացրեց, որ թողարկված ողջ ծավալը հաջողությամբ տեղաբաշխվեց ընդամենը 25 օրում՝ բաժանորդագրությունը սկսվեց նոյեմբերի 10-ին ավարտվեց դեկտեմբերի 5-ին։ Պարտատոմսերը ձեռք բերեցին եւ ֆիզիկական անձիք, եւ իրավաբանական անձիք։ Ձեռք բերողներն ընդհանուր առմամբ 152-ն էին։ 121-ը ֆիզիկական անձիք էին, 31-ը՝ իրավաբանական։ Պարտատոմսերը տեղաբաշխվեցին ինչպես Երեւանում, այնպես էլ մարզերում։ Իրավաբանական անձանց մեջ ձեռք բերողները ներկայացնում են մեր տնտեսության տարբեր ճյուղերը՝ արդյունաբերության, շինարարության, առեւտրի ոլորտների ընկերությունները։ Ձեռք բերելով բանկի պարտատոմսերը, պարտատոմսերի շուկայի մասնակից այդ ընկերությունները ձեռք են բերում հուսալի եւ եկամտաբեր գործիք։ Միաժամանակ, պարտատոմսերի թողարկումն ու տեղաբաշխումը նաեւ իր նպաստն է բերում Հայաստանում արժեթղթերի երկրորդային շուկայի զարգացմանը։
Ինչպես հայտնեց Կարեն Ջանինյանը, "Արդշինինվեստբանկի" արժեկտրոնային պարտատոմսերի տեղաբաշխման արդյունքով ստացված 1,5 մլրդ դրամին բանկն ավելացնելու է եւս 1,5 մլրդ դրամ եւ այդ 3 մլրդ դրամն ուղղելու է փոքր եւ միջին բիզնեսի վարկավորմանը։ "Պլանավորում ենք այդ վարկերը տրամադրել սկսած 13 տոկոսից, որը շուկայում բավականին ցածր տոկոս է", նշեց բանկի վարչության անդամը։
Մեր հարցին, թե ինչպիսի՞ փոփոխություններ է կրել "Արդշինինվեստբանկի" վարկավորման պայմանները նկատի ունենալով միջազգային ֆինանսական ճգնաժամի հետեւանքով առաջացող ռիսկերը, Կարեն Ջանինյանը պատասխանեց, որ ինչպես եւ մյուս բոլոր հայկական բանկերը, "Արդշինինվեստբանկն" էլ է վերանայել վարկավորման պայմանները, որպեսզի վարկերն ավելի ապահովված եւ քիչ ռիսկային լինեն։ Նրա հավաստմամբ, բանկի վարկային պորտֆելը տատանվում է 75-78 մլրդ դրամի սահմաններում։ Շարունակվում են վարկավորել տնտեսության բոլոր հատվածները, տրամադրվում են սպառողական վարկերը։ Վերադարձելիության ցուցանիշն այսօր "Արդշինինվեստբանկում", բանկային գործառնությունների եւ դրամական հոսքերի կառավարման դեպարտամենտի տնօրենի հավաստմամբ, բանկային համակարգում լավագույններից է։
Կարեն Ջանինյանը հայտնեց նաեւ, որ "Արդշինինվեստբանկը" դարձել է Հայաստանի ֆոնդային բորսայի անդամ եւ դեկտեմբերի 19-ից բանկի պարտատոմսերը կարող են ազատ շրջանառվել բորսայի համապատասխան հարթակում։ Բորսայում բանկն իրականացնում է նաեւ այլ գործարքներ՝ արժեթղթերի, արտարժույթի առքուվաճառք, որոնց ծավալներով "Արդշինինվեստբանկն" առաջին եռյակում է։
"Մտադիր ենք 2009-ին, առաջին եռամսյակն ամփոփելուց հետո, նոր թողարկում անել՝ նոր պայմաններով։ Ժամկետայնությունը, տոկոսադրույքը եւ ծավալը կախված կլինի շուկայի ուսումնասիրության արդյունքներից։ Առաջին փորձը կարող եմ ասել բավականին հաջողված է։ 1,5 մլրդ դրամը մեծ ծավալ է հայաստանյան շուկայում։ Այն, որ այս ծավալը լիովին տեղաբաշխվել է, մեզ հույս է տալիս, որ 2-րդ թողարկումն էլ 2009-ին հաջողված կանցնի", ապագայի համար բանկի ծրագրերի մասին մանրամասնեց մեր զրուցակիցը։ Նրա կարծիքով, ի տարբերություն պետական պարտատոմսերի եւ ԿԲ թողարկած պարտատոմսերի շուկայի, որը բավականին ակտիվ է, կորպորատիվ պարտատոմսերի շուկան Հայաստանում զարգացող շուկա է։ Հնարվոր է, որ 2009 թվականին Բանկի կողմից թողարկվեն ավանդային սերտիֆիկատներ և ֆոնդային շուկայի այլ գործիքներ: Ջանինյանի խոսքերով, Արդշինինվեստբանկն իր մասնակցությամբ կաշխատի նպաստել Հայաստանում արժեթղթերի երկրորդային շուկայի զարգացմանը:
"Եվ ծրագրերից բացի, հաշվի առնելով մոտեցող տոները, ցանկանում եմ մեր բանկի անունից շնորհավորել բոլորի Անամորը և Սուրբ Ծնունդը, մաղթել երջանկություն, հաջողություններ և ամենակարևորը` խաղաղություն և բարեկեցություն բոլորիս ընտանիքներին", վերջում ավելացրեց Կարեն Ջանինյանը։

Ազգ օրաթերթ 26.12.08

Ինչպես տեղեկացանք "Արդշինինվեստբանկից" Moody`s միջազգային վարկանիշային գործակալությունը 2008-ի հուլիսի 25-ին Ba1 երկարաժամկետ եւ Not Prime կարճաժամկետ վարկանիշներ է շնորհել "Արդշինինվեստբանկին"` տեղական արժութային ավանդների (GLC), ինչպես նաեւ Ba3 երկարաժամկետ եւ Not Prime կարճաժամկետ վարկանիշներ` արտարժութային ավանդների չափանիշներով: Միաժամանակ "Արդշինինվեստբանկն" արժանացել է Moody`s-ի ֆինանսական կայունության ("BFSR") D- վարկանիշին: Բոլոր ստացված վարկանիշերի հեռանկարները կայուն են:
"Արդշինինվեստբանկը" Moody`s-ի սանդղակի D- BFSR չափանիշով Ba3 վարկանիշին արժանացել է որպես Հայաստանի ամենամեծ մասնաճյուղային ցանցն ունեցող բանկերից մեկը, հատկապես ավելացող եւ կայուն շահութաբերությամբ եւ ֆինանսական արդյունավետությամբ: 2007-ին իր ակտիվների մեծությամբ լինելով երկրորդը հանրապետությունում (գրավելով տեղական շուկայի 12,2%-ը), 2008-ի մարտին բանկը դարձավ առաջինն այդ ցուցանիշով: Բանկը նաեւ թիվ 1 հարկատուն է բանկային ոլորտում եւ 19-րդը խոշոր հարկատուների շարքում:
Ստանալով Ba1 երկարաժամկետ տեղական արժույթով ավանդների վարկանիշ "Արդշինինվեստբանկն" ըստ անհրաժեշտության կարող է ստանալ անհապաղ համակարգային օժանդակություն (նշելով, որ տեղական արժութային վերին սահմանը Հայաստանում Baa1 է): Հետեւաբար, Ba1-ը գնահատվում է երկու աստիճան բարձր քան Ba3 Baseline Credit վարկանիշն է:
"Արդշինինվեստբանկի" Ba3/Not Prime արտարժույթով ավանդների վարկանիշը սահմանափակված է Հայաստանին շնորհված վերին սահմանով, եւ այն կարող է բարձրանալ համաձայն այդ սահմանի ավելացման` մինչեւ GLC-ի չափանիշը (այն առայժմ Ba1/Not Prime է):
"Արդշինինվեստբանկի" վարչության նախագահ Արամ Անդրեասյանի հավաստմամբ, Moodys-ի վարկանիշը հնարավորություն կտա ներգրավելու միջոցներ միջազգային կապիտալի շուկաներից, ինչպես նաեւ ավելի զարգացնելու հարաբերությունները հին եւ նոր գործընկերների հետ` Հայաստանում եւ արտերկրում:

Ազգ օրաթերթ 31.07.08

Հունիսի 12-ին Մարտունիում բացվեց "Արդշինինվեստբանկ" ՓԲԸ-ի "Վարանդա" մասնաճյուղը: Հանդիսավոր բացման իրավունքը տրվեց Մարտունու շրջվարչակազմի ղեկավար Վ.Խաչատրյանին և ԱՇԻԲ-ի խորհրդի նախագահ Կ. Սաֆարյանին: "Բացելով նոր մասնաճյուղ, "Արդշինինվեստբանկը" էլ ավելի է ամրապնդում իր դիրքերը տարածաշրջանում և հուսով ենք, որ ակտիվ համագործակցության արդյունքում ԱՇԻԲ-ի ֆինանսական ներդրումները կխթանեն ԼՂՀ տնտեսական զարգացումը: Շնորհավորում եմ բոլորիս և հիշեցնում մեր կարգախոսը. "Մենք ուժեղ ենք միասին"",- նշեց Կ. Սաֆարյանը: Ունենալով 49 մասնաճյուղ ՀՀ-ում "Արդշինինվեսբանկն" այսօր արդեն իսկ 6 մասնաճյուղեր ունի ԼՂՀ-ում և ներկայցուցչություն Փարիզում: Բանկն ապահովում է շուրջ 1100 աշխատատեղ: Այսօր բանկն առաջատար է համակարգում այնպիսի ցուցանիշերով, ինչպիսիք են ընդհանուր ակտիվները, վարկային ներդրումները, կանոնադրական հիմնադրամը, զուտ շահույթը: Ընդհանուր պարտավորությունների մեծությամբ բանկը զբաղեցնում է երկրորդ, իսկ ընդհանուր կապիտալի մեծությամբ` երրորդ տեղը ՀՀ բանկային համակարգում: Ժամանակակից բանկային տեխնոլոգիաները և փորձը կառույցին թույլ են տալիս առաջարկել բարձրորակ բանկային ծառայություններ` հաշիվների սպասարկում, փոխանցումներ, գործառույթներ չեկերով, փաստաթղթային ակրեդիտիվ, արտարժույթով և արժեթղթերով, կանխիկ դրամով և այլն: Այսօր նրա ծառայություններից օգտվում են շուրջ 130000 ֆիզիկական և իրավաբանական անձինք: Բանկի արցախյան 6 մասնաճյուղերում սպասարկվում են ավելի քան 4500 հաճախորդներ, որոնցից շուրջ 300-ը իրավաբանական անձինք: "Արդշինինվեստբանկը" նպաստում է տարածաշրջանային զարգացմանը` տրամադրելով ձեռնարկատիրական, գյուղատնտեսական, փոքր և միջին բիզնեսի, առևտրային և սպառողական վարկեր: Մասնաճյուղերի բացումը կնպաստի նաև բնակչության կենսամակարդակի բարձրացմանը` պայմանավորված նոր աշխատատեղերի ստեղծմամբ: Ներկայումս Արցախի 6 մասնաճյուղերում բանկն ապահովում է շուրջ 70 աշխատատեղ:

ԱԶԱՏ ԱՐՑԱԽ օրաթերթ 14.06.08

20-րդ դարավերջի Շուշիի շրջանում գործող միակ բանկին` "Արցախբանկի" մասնաճյուղին, լրացնելու և շրջանի բնակչությանը բանկային մատչելի ծառայություններ մատուցելու նպատակ է հետապնդում "Արդշինինվեստբանկ" ՓԲԸ "Շուշի" մասնաճյուղը` խոստանալով բանկային համակարգի 21-րդ դարի գործելաոճով թարմացնել և հասանելի դարձնել դրամական բնույթի բոլոր գործառույթները, խթանել շրջանի սոցիալ-տնտեսական զարգացումը և բնակչության համար ապահովել բարձրակարգ սպասարկում: Համենայն դեպս, այս փաստն է երաշխավորում արդեն մեկ ամսից ավելի Շուշիի շրջանում գործունեություն ծավալած "Արդշինինվեստբանկ" ՓԲԸ "Շուշի" մասնաճյուղի պաշտոնական բացման հանդիսավոր արարողությունը, որը տեղի ունեցավ հունիսի 11-ին: Բացմանը ներկա էին ԼՂՀ վարչապետ Ա. Հարությունյանը, "Արդշինինվեստբանկ" ՓԲԸ գլխավոր վարչության պատվիրակությունը` խորհրդի նախագահ Կ.Սաֆարյանի գլխավորությամբ, Շուշիի շրջանի վարչակազմի ղեկավար Վ.Գաբրիելյանը և այլ պաշտոնյա այրեր:
Ողջույնի խոսքով հանդես եկավ ընկերության գլխավոր հաշվապահ Մանվել Սահակյանը: Նա ընդգծեց, որ բանկի հնգամյա գործունեությունը տալիս է իր արգասիքը. այսօր ընդհանուր պարտավորությունների մեծությամբ բանկը զբաղեցնում է երկրորդ, իսկ ընդհանուր կապիտալի մեծությամբ` երրորդ տեղը ՀՀ բանկային համակարգում: Բանկի ծառայություններից օգտվում են շուրջ 130000 ֆիզիկական և իրավաբանական անձինք, իսկ Արցախի 6 մասնաճյուղերը սպասարկում են ավելի քան 4500 հաճախորդի: Ընկերության հոբելյանական տարվա սկիզբը նշանավորող բանկի գլխամասային գրասենյակի շենքի բացման հաջող շարունակությունն է ԼՂՀ-ում 4 մասնաճյուղերի բացումը, որը տեղի է ունեցել հանրապետության իշխանությունների անմիջական ուշադրության և հոգածության շնորհիվ: Բանկի մուտքը երիզող խորհրդանշական կարմիր ժապավենը կտրեց ԼՂՀ վարչապետ Ա. Հարությունյանը, որին հաջորդեց Հայ Առաքելական Եկեղեցու Արցախի թեմի առաջնորդ Պարգև արքեպիսկոպոս Մարտիրոսյանի կողմից օծման և օրհնանքի արարողությունը:
Բանկի "Շուշի" մասնաճյուղի երիտասարդ կառավարիչ Արմեն Հարությունյանը, որը ղեկավարում է նույնքան երիտասարդ աշխատակազմի, փաստեց, որ մասնաճյուղը կշարունակի իրականացնել վարկերի տրամադրման, ավանդների ընդունման, կոմունալ վճարների մուծման, պլաստիկ քարտերի կիրառման գործառույթներ:
Ունենալով 49 մասնաճյուղ ՀՀ-ում, այսօր արդեն 6 մասնաճյուղ ԼՂՀ-ում և մեկ ներկայացուցչություն Փարիզում, բանկն ապահովում է շուրջ 1100 աշխատատեղ, որից 70-ը` ԼՂՀ-ում: "Շուշի" մասնաճյուղում Ստեփանակերտից աշխատողներ ընդգրկելու փաստը Շուշիին բնորոշ անառարկելի երևույթ է: Այս կապակցությամբ բանկի ԼՂՀ տարածքային վարչության պետ Արսեն Միքայելյանն ուներ համոզիչ պարզաբանում.
- Աշխատողների ընտրությունը տեղի է ունեցել մրցութային պայմաններով. Շուշիի շրջանի վարչակազմի շենքում անցկացված բանկային համակարգում աշխատելու համար մրցույթին մասնակցել են 20 անձինք, այդ թվում նաև երիտասարդ շուշեցիներ, որոնք ցավոք ցուցաբերել են ցածր արդյունքներ: Այժմ նրանք փորձուսուցում են անցնում Ստեփանակերտում` մոտ ապագայում մասնաճյուղի 12 թափուր հաստիքները զբաղեցնելու նպատակով,- հավաստիացրեց նա:

ԱԶԱՏ ԱՐՑԱԽ օրաթերթ 12.06.08

Նոր գլխամասային գրասենյակի բացման ժամանակ համոզմունք հայտնեց բանկի վարչության նախագահը
"Արդշինինվեստբանկի" գլխամասային գրասենյակի (նախկին քաղաքապետարանի շենքը) երեկ տեղի ունեցած հանդիսավոր բացմանը մասնակցեց Հայաստանի պետական ղեկավարության եւ բիզնեսի ամբողջ էլիտան: Խոշոր գործարարներ, նախարարներ, քաղաքապետ, բարձրաստիճան պաշտոնյաներ, որոնց միացան երկրի գործող նախագահ Ռոբերտ Քոչարյանը եւ նորընտիր նախագահ ու գործող վարչապետ Սերժ Սարգսյանը:
Գլխամասային գրասենյակի բացման ժամանակ բանկի վարչության նախագահ Արամ Անդրեասյանը նշեց, որ "Արդշինինվեստբանկն" ունեցել է աճի բարձր տեմպեր, ինչը պայմանավորված է Հայաստանի ներքաղաքական կայունությամբ, տնտեսական զարգացմամբ եւ Կենտրոնական բանկի կողմից տարվող կոշտ քաղաքականությամբ: Նա տեղեկացրեց, որ մոտ ապագայում բանկը պատրաստվում է դառնալ բաց բաժնետիրական ընկերություն, որի բաժնետոմսերը կգնանշվեն եվրոպական բորսաներում: "Մենք ցանկանում ենք ստեղծել համահայկական բանկի գաղափարը եւ գործնականում իրականացնել "Մենք ուժեղ ենք միասին" կարգախոսը",- ասաց բանկի վարչության նախագահը:
Կենտրոնական բանկի նախագահ Տիգրան Սարգսյանը "Արդշինինվեստբանկի" նոր գլխամասային գրասենյակի բացումը նշանակալից համարեց մեր բանկային համակարգի համար: Նա ներկաներին հիշեցրեց, որ երբ 5 տարի առաջ հայտարարվեց բաց մրցույթ եւ հաղթող ճանաչվեց Կարեն Սաֆարյանը, բանկը ստեղծվեց ընդամենը 3 մլրդ դրամ ակտիվներով: Այժմ արդեն բանկի ակտիվները կազմում են 105 մլրդ դրամ: Իսկ ինչպես լրագրողներին հայտնեց Արամ Անդրեասյանը, նախատեսվում է տարեվերջին ակտիվները հասցնել 150 մլրդ դրամի:
Նախագահ Ռոբերտ Քոչարյանը "փայլուն" որակումը տվեց "Արդշինինվեստբանկի" նոր գլխամասային գրասենյակին, ասելով, որ այդպիսի հզոր գլխամասային շենք չունի ոչ մի բանկ եւ որ դա խթան կլինի մյուս բանկերի համար եւս: Նախագահը նույնպես հիշեց 2003-ին կնքված նախկին "Արդշինբանկի" ձեռքբերման գործարքը, ասելով, որ դրանից շահեցին բոլորը՝ քաղաքը, քաղաքապետարանը, մասնավոր ընկերությունը, բանկը եւ նրա հաճախորդները:

ԱԶԳ օրաթերթ 05.04.08

Հիմնանորոգումից հետո բացվեց "Արդշինինվեստբանկ"-ի գլխավոր գրասենյակի նոր շենքը

Երեւանում հիմնանորոգումից հետո հանդիսավորությամբ բացվեց "Արդշինինվեստբանկ" ՓԲԸ գլխավոր գրասենյակի նոր շենքը Բացման արարողությանը ներկա էին ՀՀ նախագահ Ռոբերտ Քոչարյանը, վարչապետ, նորընտիր նախագահ Սերժ Սարգսյանը "Սա այն դեպքն է, որ գործարքից, որի շուրջ մենք այն ժամանակ պայմանավորվել էինք, բոլորը շահեցին: Շահեց քաղաքապետարանը` ունենալով շատ փայլուն ու տպավորիչ շենք, շահեց Երեւան քաղաքը` ունենալով երկու գեղեցիկ շենք, շահեց նաեւ մասնավոր ընկերությունը, շահեց բանկը: Իսկ 105 միլիարդ դրամ ակտիվ ունեցող բանկն աշխատում է հազարավոր քաղաքացիների հետ` վարկավորելով նրանց բիզնեսը, տրամադրելով սպառողական վարկեր կամ աշխուժացնելով առեւտուրը Մի գործարք էր, որից շահեցին բոլորը",– բացման արարողությունից հետո լրագրողների հետ զրույցում նկատեց Ռ. Քոչարյանը: Շենքի վեց հարկերում շրջելուց հետո նախագահի տպավորությունները, իր իսկ գնահատմամբ, փայլուն էին: "Այսպիսի հզոր գլխամասային շենք, երեւի դեռեւս ոչ մի բանկ չունի: Սա մրցակցային բավականին լուրջ շարժառիթներ կդրսեւորի այլ բանկերի մոտ գլխամասային ու մասնաճյուղերի այսպիսի շենքեր ունենալու առումով: Սա բավականին խթանելու է այս համակարգը",–կարծում է երկրի ղեկավարը:
ՀՀ կենտրոնական բանկի նախագահ Տիգրան Սարգսյանի խոսքերով, բանկային համակարգի կյանքում նշանակալի օր է, քանի որ պարզ դարձավ, որ Հայաստանում կարող են իրագործվել այնպիսի գործարքներ, որոնք բնորոշ են եվրոպական զարգացած երկրներին: "«Իշխանությունների գործողությունները պետք է լինեն օպերատիվ, պետք է կիրառվեն այնպիսի գործիքներ, որոնք հնարավորություն են տալիս բանկի հաճախորդներին չզգալ ֆինանսական ճգնաժամի բարդությունները: Այդպիսի միջոցառում մենք իրականացրեցինք հինգ տարի առաջ, երբ հայտարարվեց բաց մրցույթ նպաստավոր պայմաններ ստեղծելով "Արդշինբանկի" հաճախորդների համար",–հիշեց ԿԲ–ի նախագահը: Պաշտոնյան ավելի քան խոսուն է համարում թվերը. 2003 թվականին վաճառքի է հանվել 3 մլրդ դրամ ակտիվներ ունեցող կառույց, որն այսօր արդեն ունի 105 մլրդ ակտիվներ: Նրա գնահատմամբ, "Արդշինինվեստբանկ"-ը կարող է հպարտանալ ունեցած ցուցանիշներով, քանի որ բանկային համակարգում իր ակտիվներով առաջին տեղն է զբաղեցնում:
Տեղեկացնենք, որ 1950–ական թվականերին կառուցված շենքն ամրացվել է, եւ ներկայում ունի մինչեւ 9 բալ սեյսմակայունություն: Շենքն ավելացվել է երկու հարկով` միաժամանակ պահպանելով ճակատային մասի ճարտարապետական ոճը:
Ճակատային մասի ճարտարապետական լուծումները գտել է ճարտարապետ Սարգիս Գուրզադյանը: "Արդշինինվեստբանկ"-ի խորհրդի նախագահի տեղակալ Խաչատուր Զաքարյանի տեղեկացմամբ, երկու տարի տեւած շինարարական աշխատանքների արժեքը 3 մլրդ դրամ է, ամբողջ ծրագրի արժեքը` 5 մլրդ: Ըստ նրա` բանկը երկրի առաջատար բանկերի առաջին եռյակում է, եւ մյուսներին գերազանցում է աշխատակիցների ու մասնաճյուղերի թվով:
"Արդշինինվեստբանկ"-ն ընդգրկված է խոշոր հարկատուների ցուցակում, 2007թ. բանկն ստացել է մեր երկրի բանկային համակարգի համար նախադեպը չունեցող 4 միլիարդ դրամ զուտ շահույթ, բանկի ընդհանուր կապիտալը անցած տարեվերջին եղել է մոտ 19 մլրդ դրամ: Ընթացիկ տարվա առաջին եռամսյակի վերջում ակտիվները կազմել են մոտ 105 մլրդ դրամ, պարտավորությունները` 85 մլրդ դրամ: Ավելի քան 1000 աշխատակից ունեցող բանկն ունի 49 մասնաճյուղ հանրապետության մարզերում, 4 մասնաճյուղ` ԼՂՀ—ում եւ ներկայացուցչություն` Փարիզում:
Բանկի պատասխանատուները հավաստեցին, որ բանկը մտադիր է առաջիկայում դառնալ բաց բաժնետիրական ընկերություն`"իր հյուրընկալ դռները բացելով աշխարհասփյուռ հայերի առաջ եւ առաջարկելով դառնալ բաժնետեր":
"Բաժնետոմսերի գնանշումը կիրականացվի եվրոպական առաջատար բորսաներում",—հավաստեց "Արդշինինվեստբանկ"-ի վարչության նախագահ Արամ Անդրեասյանը` նշելով, որ ուզում են կյանքի կոչել համահայկական մեծ ու հզոր բանկի գաղափարը:

Հայաստանի Հանրապետություն օրաթերթ 05.04.08

Նոր գլխամասային գրասենյակի բացման ժամանակ համոզմունք հայտնեց բանկի վարչության նախագահը
"Արդշինինվեստբանկի" գլխամասային գրասենյակի (նախկին քաղաքապետարանի շենքը) երեկ տեղի ունեցած հանդիսավոր բացմանը մասնակցեց Հայաստանի պետական ղեկավարության եւ բիզնեսի ամբողջ էլիտան: Խոշոր գործարարներ, նախարարներ, քաղաքապետ, բարձրաստիճան պաշտոնյաներ, որոնց միացան երկրի գործող նախագահ Ռոբերտ Քոչարյանը եւ նորընտիր նախագահ ու գործող վարչապետ Սերժ Սարգսյանը:
Գլխամասային գրասենյակի բացման ժամանակ բանկի վարչության նախագահ Արամ Անդրեասյանը նշեց, որ "Արդշինինվեստբանկն" ունեցել է աճի բարձր տեմպեր, ինչը պայմանավորված է Հայաստանի ներքաղաքական կայունությամբ, տնտեսական զարգացմամբ եւ Կենտրոնական բանկի կողմից տարվող կոշտ քաղաքականությամբ: Նա տեղեկացրեց, որ մոտ ապագայում բանկը պատրաստվում է դառնալ բաց բաժնետիրական ընկերություն, որի բաժնետոմսերը կգնանշվեն եվրոպական բորսաներում: "Մենք ցանկանում ենք ստեղծել համահայկական բանկի գաղափարը եւ գործնականում իրականացնել "Մենք ուժեղ ենք միասին" կարգախոսը",- ասաց բանկի վարչության նախագահը:
Կենտրոնական բանկի նախագահ Տիգրան Սարգսյանը "Արդշինինվեստբանկի" նոր գլխամասային գրասենյակի բացումը նշանակալից համարեց մեր բանկային համակարգի համար: Նա ներկաներին հիշեցրեց, որ երբ 5 տարի առաջ հայտարարվեց բաց մրցույթ եւ հաղթող ճանաչվեց Կարեն Սաֆարյանը, բանկը ստեղծվեց ընդամենը 3 մլրդ դրամ ակտիվներով: Այժմ արդեն բանկի ակտիվները կազմում են 105 մլրդ դրամ: Իսկ ինչպես լրագրողներին հայտնեց Արամ Անդրեասյանը, նախատեսվում է տարեվերջին ակտիվները հասցնել 150 մլրդ դրամի:
Նախագահ Ռոբերտ Քոչարյանը "փայլուն" որակումը տվեց "Արդշինինվեստբանկի" նոր գլխամասային գրասենյակին, ասելով, որ այդպիսի հզոր գլխամասային շենք չունի ոչ մի բանկ եւ որ դա խթան կլինի մյուս բանկերի համար եւս: Նախագահը նույնպես հիշեց 2003-ին կնքված նախկին "Արդշինբանկի" ձեռքբերման գործարքը, ասելով, որ դրանից շահեցին բոլորը՝ քաղաքը, քաղաքապետարանը, մասնավոր ընկերությունը, բանկը եւ նրա հաճախորդները:

ԱԶԳ օրաթերթ 05.04.08

Հայաստանում ֆինանսական շուկաները զարգացման բարենպաստ միտումներ ունեն

Միջազգային Ֆինանսական Կորպորացիան պատրաստվում է համագործակցել Հայաստանի առաջատար բանկերից մեկի` Արդշինինվեստբանկի հետ, երկրում փոքր և միջին ձեռնարկությունների վարկավորման և հիփոթեքային շուկայի ֆինանասավորման համար ֆինանսական ռեսուրսների հասանելիության բարելավման նպատակով: Երեկ լրագրողների հետ հանդիպմանը այս մասին հայտնեցին ՄՖԿ-ի և Արդշինինվեստբանկի ներկայացուցիչները` նշելով, որ Հայաստանի ֆինանսական համակարգի պատմության մեջ սա իրականացվող ամենախոշորածավալ գործարքն է:
ՄՖԿ-ն այսուհետ կդառնա բանկի 10 տոկոս բաժնեմասի սեփականատերը` ներդնելով ընդհանուր առմամբ 25 մլն. դոլար:
Բանկի բաժնեմասում ՄՖԿ-ն ներդրել է 10 մլն դոլար, իսկ 15 մլն-ն նպատակաուղղվել վարկավորմանը` 8 տարի մարման ժամկետով:
Արդշինինվեստբանկ ՓԲԸ նախագահ Արամ Անդրեասյանի խոսքերով. "Գործարքի ընդհանուր ծավալը 25 մլն. դոլար է: Այդ ծավալով միանգամյա գործարք ինստիտուցիոնալ ներդրողների կողմից Հայաստանում երբևիցե տեղի չի ունեցել: Կարծում եմ, որ ՄՖԿ-ի հետ մեր համագործակցությունը կլինի երկարաժամկետ և փոխշահավետ:
Այս ներդրման միջոցով ՄՖԿ-Ն կարող է զգալի ազդեցություն ունենալ մեր երկրի ամբողջ ֆինանսական հատվածի զարգացման վրա:
Միջազգային Ֆինանսական կորպորացիայի հայաստանյան ներկայացուցիչ Ներսես Կարամանուկյանի դիտարկմամբ, բանկի կապիտալում կատարած ներդրումը համահունչ է Հայաստանում ՄՖԿ-ի կողմից իրականացվող ռազմավարությանը, որն առանցքային ուշադրություն է դարձնում ցածր եկամուտներով անձանց կյանքի բարելավմանը և ֆինանսական ռեսուրսների հասանելության մեծացմանը: Այդ նպատակին հասնելու համար ՄՖԿ-ն համագործակցում է երկրի ֆինանսական շուկաների համար, քանի որ կատարվել է միաժամանակյա ներդրում և ձեռք է բերվել բանկի բաժնեմաս: Տրամադրվել են նաև երկարաժամկետ ֆինանսական ռեսուրսներ, որոնք կնպաստեն բանկին կառուցելու իր հիփոթեքային պորտֆելը, ինչպես նաև առավել երկարաժամկետ ռեսուրսներ` տրամադրելու փոքր և միջին ձեռնարկատիրական ընկերություններն: Մենք համագործակցում ենք մի շարք առևտրային բանկերի և ֆինանսական հաստատությունների հետ, սակայն առ այսօր նման խոշոր գործարք չէինք կնքել: Այս փաստը ցույց է տալիս, որ Հայաստանում ֆինանսական շուկաները զարգացման բարենպաստ միտումներ ունեն և այսպիսի ներդրումները առավել կխրախուսեն այդ շուկաների զարգացման ն ու կայացմանը,-նշեց Ներսես Կարամանուկյանը: ԿԲ-ի փոխնախագահ Արթուր Ջավադյանը նեջբերեց այն գործոնները, որոնք նախադրյալներ ստեղծեցին նմանօրինակ խոշորածավալ գործարք կնքելու համար:
Առաջին գործոնն այսօրվա բանկային համակարգի կայունությունն է, հուսալիությունը և թափանցիկությունը:Այնուհետև լուրջ գործոն է նաև Հայաստանի տնտեսության և բանկային համակարգի գրավչությունը միջազգային ներդրողների համար: Ինչ կբերի ՄՖԿ-ի `նման ծավալով մուտքը բանկային համակարգ.կստեղծի մրցակցության աճ, տոկոսադրույքների անկման միտման շարունակություն և նոր գործիքների ներդրումենր,- ասաց ԿԲ փոխնախագահը:
"Հայաստանի Հանրապետություն" օրաթերթ 27.12.07

Բանկային համակարգը երկրի տնտեսության ամենադինամիկ զարգացող հատվածն է, - ասում է "Արդշինինվեստբանկ" ՓԲԸ Տնօրեն Արամ Անդրեասյանը: Նրա խոսքերով բանկային համակարգի ակտիվները աճել են մոտ 15 անգամ 2005 թ-ին կազմելով ՀՆԱ-ի մոտ 20%`1995թ. 57% դիմաց: Չնայաց այդ աճին` Հայաստանում դեռ ցածր է ֆինանսական միջնորդության մակարդակը զարգացած երկրների համեմատ: Պետք է նշել, որ մեր երկրում չափազանց մեծ ծավալ են կազմում "ներքնակների տակի փողերը", ինչը նշանակում է որ մեր հասարակությանը պատկանող ազատ միջոցները դեռևս չեն աշխատում ի շահ այդ նույն հասարակությանը,- ասում է Ա. Անդրեասյանը: Նա նաև արտահայտեց այն միտքը, որ այս տարում Հայաստանի բանկային համակարգը էապես ազդել է երկրի տնտեսության վրա: Բանկերը տրամադրում են վարկեր թե' խոշոր ձեռնարկություններին, թե' բնակչությանը` խթանելով նաև փոքր և միջին բիզնեսի զարգացումը:

Կենտրոնական Բանկը անկախության 15 տարիների ընթացքում էական դեր է կատարել բանկային համակարգի ձևավորման վրա, - ասում է Ա. Անդրեասյանը: Նրա կարծիքով Հայաստանի անկախության ընթացքում ԿԲ քաղաքականությունը ուղված էր այնպիսի միկրոկլիմատի ստեղծմանը, որը կհամապատասխաներ միջազգային չափանիշներին և գրավիչ կլիներ միջազգային ներդրողների համար: Խոսքը վերաբերում է ինչպես հաշվապահական հաշվառման չափանիշներին և նորմատիվային պահանջներին, այպես էլ բանկային բիզնեսին, կորպորատիվ կառավարման կուլտուրային, -ասում է Ա. Անդրեասյանը:
Իր բառերով ԿԲ-ի կողմից ընդունված նորմատիվային ակտերը պաշտպանում են թե' ավանդատուների և թե' վարկառուների շահերը, մեծացնում են բանկային համակարգի նկատմամբ վստահությունը:

"Հայաստանի Հանրապետություն" օրաթերթ 21.09.06

"Արդշինինվեստբանկի" "Էջմիածին" մասնաճյուղը երեկվանից սկսեց աշխատել նոր բարեկարգված տարածքում։ Լինելով Հայաստանի ամբողջ տարածքում գործող բանկի 51 մասնաճյուղերից մեկը, Էջմիածնի մասնաճյուղն իր 18 աշխատակիցներով հնարավորություն կունենա սպասարկելու 3-3,5 հազար բնակիչների։
Արդեն նորոգված տարածքի բացման հանդիսավոր արարողության ժամանակ "Արդշինինվեստբանկի" վարչության նախագահ Արամ Անդրեասյանը նշեց, որ եթե Հայաստանի մյուս առաջատար բանկերը նոր են սկսում մասնաճյուղեր բացել մարզերում, ապա իր ղեկավարած բանկի մասնաճյուղերը վաղուց են ընդգրկել ամբողջ Հայաստանը։ Նա ընդգծեց, որ "Արդշինինվեստբանկի" քաղաքականությունն է հաճախորդների համար հարմարավետ պայմաններ ապահովելը եւ հայտնեց, որ այս տարի եւս 5-6 մասնաճյուղերի շենքային պայմաններ պետք է բարելավվեն եւ նորոգվեն։
Մեր այն հարցին, թե "Էջմիածնի մասնաճյուղում միայն բնակչությունն է սպասարկվելու, թե՞ նաեւ բիզնես վարկեր են տրվելու" Արամ Անդրեասյանը պատասխանեց, որ "Արդշինինվեստբանկի" մատուցում են բանկային ծառայությունների ամբողջ տեսականին՝ այդ թվում տալիս են բիզնես վարկեր, մասնակցում գյուղական տարածքների տնտեսական զարգացման ծրագրին։
Դրամի արժեւորման առնչությամբ տրված հարցին Արամ Անդրեասյանը պատասխանեց, որ դա ընդհանուր առմամբ դրական երեւույթ է, չնայած արատահողները որոշակի վնասներ են կրում։ "Մենք էլ 40 մլն դրամի վնաս ենք կրել" նշեց նա։ "Արդշինինվեսբանկի" վարչության նախագահի կարծիքով, այդուհանդերձ ներկայիս փոխարժեքը շուկայում ստեղծված առաջարկի եւ պահանջարկի արդյունք է։ Նա հայտնեց, որ միայն իրենց բանկով նախորդ տարվա համեմատ զգալիորեն մեծացել են դոլարային փոխանցումները, ընդ որում, ոչ միայն մասնավոր, այլ նաեւ արտահանումից ստացվածները։ Բացի այդ, մեծ գումարներ են մտնում նաեւ շինարարության ոլորտում, ինչը նույնպես ազդում է փոխարժեքի վրա եւ մեծացնում դոլարի առաջարկը։ Արամ Անդրեասյանը, սակայն, ավելի կարեւոր համարեց ոչ թե փոխարժեքի փոփոխությունները, այլ գների կայունության պահպանումը։

"ԱԶԳ"

2006 թվականի ընթացքում նախատեսվում է բաժնետերերի կողմից իրականացնել ներդրումներ Բանկի կանոնադրական կապիտալում մոտ 10 մլն. դոլարի չափով:
"Արմինֆո" լրատվական գործակալության կողմից կատարված ՀՀ բանկային համակարգի 2005թ. գործունեության վերլուծության արդյունքներով` հիմնական ցուցանիշների գծով, որոնք բնութագրում են բանկի գործունեությունը և որոշում են այսպես կոչված "ունիվերսալ" բանկ, Արդշինինվեստբանկը ՀՀ բանկային համակարգում HSBC բանկի հետ բաժանում է 2-րդ տեղը, ընդ որում, առաջին տեղում ոչ մի բանկ չի նշվել:
Արդշինինվեստբանկը ընդգրկված է խոշոր հարկատուների ցուցակում, իսկ ՀՀ բանկային համակարգում հանդիսանում է ամենախոշոր հարկատուն: 2005թ. բոլոր հարկատեսակների գծով բյուջե է վճարվել 972 մլն դրամ:
2005 թվականի ընթացքում բանկը վարկավորել է 65000-ից ավելի վարկառուների, որը 2004թ. (53000 վարկառու) համեմատ աճել է 23%-ով:
2005 թվականի ընթացքում տեղադրվել են 9 բանկոմատ, 42 POS-տերմինալ: Հանդիսանալով "ArCa" պրոցեսինգային ընկերության հիմնադիրներից մեկը և "Master Card Europay" համաշխարհային վճարային համակարգի ասոցիացված անդամ՝ Բանկն ավելացրել է ArCa և միջազգային "MasterCard" պլաստիկ քարտերի քանակը հասցնելով մինչև 10461-ի՝ նախորդ տարվա 5789-ի դիմաց:
2005 թվականի ընթացքում ևս, միասնական սոցիալական ուղղվածություն ունեցող ներքին կորպորատիվ քաղաքականության շրջանակներում, բանկը.
- 1 մլն դրամ տրամադրել է Արդշինինվեստբանկի անվանական կրթաթոշակների համար տարբեր բուհերի ուսանողներին:
- Բարեգործական նպատակներով 2.5 մլն դրամ ֆինանսական օգնություն է հատկացրել Արհմիությանը՝ աշխատակիցներին սոցիալական աջակցության համար, որից 600 հազ դրամը՝ Արդշինբանկում աշխատած թոշակառուներին:
- ակտիվ մասնակցություն է ունեցել "Հայաստան" հիմնադրամի կողմից անցկացվող ամենամյա հեռուստամարաթոնին՝ փոխանցելով 17 մլն դրամ "Արցախի վերածնունդ" Արցախի սահմանամերձ շրջանների վերականգնման լայնածավալ ծրագրին.
- մոտ 3.5 մլն դրամի չափով անհատույց միջոցներ է տրամադրել "Զատիկ" մանկատանը:
Ընթացիկ տարվա առաջին կիսամյակում Բանկը նախատեսել է տրամադրել 45 մլն. դրամ Հայաստանի ազգային օլիմպիական կոմիտեի ծանրամարտի հավաքականի թիմին` 29-րդ Օլիմպիական խաղերին մասնակցությանը նախապատրաստելու համար, որից արդեն տրամադրել է 22.6 մլն. դրամ